ન્યૂયોર્કઃ ફોર્બ્સે બહાર પાડેલી વિશ્વની 74 શક્તિશાળી લોકોની યાદીમાં ભારતના વડાપ્રધાન નરેંદ્ર મોદીનો સમાવેશ ટોપ ટેનમાં કરવામાં આવ્યો છે. વિશ્વની સૌથી શક્તિશાળી 10 પ્રશનાલીટીમાં મોદી 9 માં સ્થાને છે. આ યાદીમાં રૂસના રાષ્ટ્રપતિ વ્લાદિમીર પુતિન સતત ચોથા વર્ષે ટોપ પર રહ્યા છે. તો તાજેતરમાં અમેરિકાની રાષ્ટ્રીય પ્રમુખની ચુંટણીમાં વિજેતા બનેલા ડોનલ ટ્રપ બીજા સ્થાને રહ્યા છે. ર્મનીના એન્જેલા મર્કેલ ત્રીજા ક્રમે અને ચીનના પ્રમુખ શી જિનપિંગ ચોથા ક્રમે છે.
ફોર્બ્સ દર વર્ષે વિશ્વના શક્તિશાળી લોકોની યાદી બહાર પાડે છે. ફોર્બ્સ મેગેઝિને કહ્યું છે કે ભારતના વડાપ્રધાન ૧.૩ અબજ ભારતીયોમાં ખૂબ જ લોકપ્રિય છે. મોદીએ તાજેતરના વર્ષોમાં બરાક ઓબામા અને શી જિનપિંગ સાથે મુલાકાત દ્વારા વૈશ્વિક નેતા તરીકે તેમના પ્રોફાઈલમાં સુધારો કર્યો છે. વિશ્વસ્તર પર ક્લાઈમેટ ચેન્જની સમસ્યાને હલ કરવાના આંતરરાષ્ટ્રીય પ્રયાસમાં તેમની મહત્ત્વની ભૂમિકા રહી છે. મેગેઝિને મોદી દ્વારા ગયા મહિને ઓચિંતા જ નોટબંધીના લેવાયેલા નિર્ણયની પણ નોંધ લીધી છે.
સૌથી શક્તિશાળી લોકોની આ યાદીમાં રિલાયન્સ ઈન્ડસ્ટ્રીઝના ચેરમેન મુકેશ અંબાણી ૩૮મા ક્રમ પર છે. ફોર્બ્સની કુલ ૭૪ લોકોની આ યાદીમાં ઓબામા ૪૮મા ક્રમ પર, માઈક્રોસોફ્ટના ભારતીય મૂળના સીઈઓ સત્યા નાડેલા ૫૧મા ક્રમ પર છે. માઈક્રોસોફ્ટના હસ્થાપક બિલ ગેટ્સ સાતમા ક્રમે, ફેસબુકના સીઈઓ માર્ક ઝુકરબર્ગ ૧૦મા ક્રમ પર છે. આઈએસઆઈએસનો નેતા અબુ બક્ર અલ-બગદાદી ૫૭મા ક્રમે છે.
