નાણામંત્રી નિર્મલા સીતારમણ મંગળવારે સંસદમાં બજેટ રજૂ કરી રહ્યા છે. પોતાના સંબોધનમાં સીતારમણે કહ્યું કે, સર્વાંગી કલ્યાણ અમારી પ્રાથમિકતા છે. આ બજેટમાં ખાનગી રોકાણ વધારવાનો લક્ષ્યાંક રાખવામાં આવ્યો છે.
આ પણ વાંચો – Budget 2022 / ખેડૂતો માટે બજેટમાં કરવામાં આવી હતી આ મોટી જાહેરાતો, જાણો બજેટમાં ખેડૂતોને શું મળ્યું
કેન્દ્રીય નાણામંત્રી નિર્મલા સીતારમણે મંગળવારે જાહેરાત કરી કે, વંદે ભારત એક્સપ્રેસ આગામી ત્રણ વર્ષમાં શરૂ કરવામાં આવશે. આ સમાંતર ટ્રેક પર આગળ વધતાં, અમે નીચેની ચાર પ્રાથમિકતાઓ મૂકીએ છીએ – PM ગતિ શક્તિ, સર્વસમાવેશક વૃદ્ધિ, ઉત્પાદકતા વૃદ્ધિ અને રોકાણ, સૂર્યોદયની તકો, ઉર્જા સંક્રમણ અને ક્લાયમેટ એક્શન અને રોકાણોનું ધિરાણ. વધુમાં, સરકાર નવીન ભંડોળ પદ્ધતિઓ અને મેટ્રો પ્રોજેક્ટનાં ઝડપી બાંધકામને પ્રોત્સાહન આપશે. નાણામંત્રીએ કહ્યું કે, જાહેર પરિવહન અને રેલ્વે ટર્મિનલ વચ્ચે મલ્ટિમોડલ કનેક્ટિવિટીને પ્રાથમિકતા આપવામાં આવશે. નાગરિક બાંધકામ સહિતની મેટ્રો પ્રણાલીઓને ભારતીય પરિસ્થિતિઓ અને જરૂરિયાતોને પહોંચી વળવા માટે પુનઃડિઝાઈન અને પ્રમાણિત કરવામાં આવશે. ધ્યેય પ્રવાસનને પ્રોત્સાહન આપવાનું તેમજ કોમ્યુટર કનેક્ટિવિટી અને સુવિધામાં સુધારો કરવાનો છે.
આ પણ વાંચો – Budget 2022 / બાળકોના શિક્ષણ માટે 200 નવી ટીવી ચેનલો, ડિજિટલ યુનિવર્સિટી કરવામાં આવશે શરૂ
તેમણે કહ્યું કે, પ્રોડક્શન લિન્ક્ડ ઇન્સેન્ટિવ (PLI) સ્કીમને આત્મનિર્ભર ભારત સુધી પહોંચવા માટે ઘણો ટેકો મળ્યો છે, જેમાં આગામી થોડા વર્ષોમાં 60 લાખ નવી નોકરીઓ અને 30 લાખ કરોડનું વધારાનું ઉત્પાદન કરવાની ક્ષમતા છે.
