પ્રેમની અભિવ્યક્તિની અનેક રીતોમાં કિસ પણ એક વિશેષ સ્થાન ધરાવે છે.

જ્યારે બે વ્યક્તિ પોતાની લાગણીઓને શબ્દો દ્વારા વ્યક્ત કરી શકતા નથી ત્યારે તેઓ એકબીજાને કિસ કરે છે.

બે વ્યક્તિઓ વચ્ચે આપવામાં આવેલું ચુંબન ન માત્ર તેમના પ્રેમાળ સંબંધોના બંધનને મજબૂત રાખે છે પરંતુ એકબીજા સાથે ભાવનાત્મક રીતે જોડવામાં પણ મદદ કરે છે.

તાજેતરના  એક અભ્યાસમાં પત્નીને કિસ કરવાનું વધુ એક રસપ્રદ કારણ સામે આવ્યું છે. તો ચાલો જાણીએ શું છે આ રસપ્રદ અભ્યાસ.......

આ અભ્યાસમાં જણાવવામાં આવ્યું હતું કે જે પુરૂષો સવારે કામ પર જતા પહેલા પોતાની પત્નીને કિસ કરે છે, તેમની સેલેરી જ નહી પરંતુ તેમનું આયુષ્ય પણ વધી જાય છે.

સંશોધકોએ એ વાત પર પણ ભાર મૂક્યો હતો કે જે પતિઓ તેમની પત્નીઓને દરરોજ કિસ કરીને ઓફિસ જાય છે તેઓ ઓફિસમાં લગભગ 20 થી 35 ટકા વધુ કમાણી કરે છે.

આ રિસર્ચમાં ભાગ લેનારા લગભગ 110 ટોપ મેનેજર લેવલના લોકો પાસેથી પૂછવામાં આવેલા સવાલોના જવાબના આધારે આ અભ્યાસના પરિણામો નક્કી કરવામાં આવ્યા હતા.

આ અભ્યાસના પરિણામો જર્મન મેગેઝિન ‘સિલેક્ટા’માં પ્રકાશિત થયા છે અને આ અભ્યાસ કીલ યુનિવર્સિટીના સાયકોલોજીના પ્રોફેસર ડૉ. આર્થર સાબો દ્વારા કરવામાં આવ્યો છે.