ક્રિકેટર હાર્દિક પંડ્યા અને મૉડલ નતાશા સ્ટેનકોવિચે લાંબા વિવાદ બાદ છૂટાછેડાનું એલાન કર્યું હતું. છૂટાછેડાની જાહેરાત કરતા પહેલા તે તેના 4 વર્ષના પુત્ર અગસ્ત્ય સાથે તેના વતન સર્બિયા ગઈ હતી.

માતા-પિતાથી અલગ થયા બાદ અગસ્ત્યએ હાલમાં જ તેનો ચોથો જન્મદિવસ તેની નાનીના ઘરે ઉજવ્યો હતો.

નતાશાએ પોતાના પુત્રના ખાસ દિવસને ખૂબ જ ખાસ બનાવવા માટે કોઈ કસર છોડી નથી. તેણે સોશિયલ મીડિયા પર તેની ઝલક પણ ફેન્સને બતાવી છે

પરંતુ તસવીર શેર કરતાંની સાથે જ એક્ટ્રેસની નેટીઝન્સ ટીકા કરવા લાગ્યા હતા.

બંને વચ્ચેના પતિ-પત્નીના સંબંધોનો હવે અંત આવી ગયો છે. બંને છૂટાછેડા લઈને બંને અલગ થઈ ગયા હોવા છતાં, તેઓ તેમના 4 વર્ષના પુત્ર અગસ્ત્યના કૉ-પેરેન્ટ તરીકે રહેશે.

ખરેખર, નતાશાએ અગસ્ત્ય માટે હૉટ વ્હીલ્સ થીમ પર બર્થડે સેલિબ્રેટ કર્યો હતો. તેણે પોતાના ઇન્સ્ટાગ્રામ એકાઉન્ટ પર જન્મદિવસની ઉજવણીની કેટલી તસવીરોની સીરિઝ શેર કરી હતી.

પોસ્ટ શેર કર્યા પછી તરત જ હાર્દિકના ભાઈ અને ક્રિકેટર કૃણાલ પંડ્યાએ કોમેન્ટ્સ સેક્શનનમાં વાઇટ ઈમોજી શેર કરી હતી. જો કે, કેટલાક સોશિયલ મીડિયા યુઝર્સ આ તસવીરો જોઈને ખુશ નથી અને હાર્દિકની ગેરહાજરી પર સવાલ ઉઠાવીને નતાશાને ટ્રોલ કરી રહ્યા છે.

એક યુઝરે નતાશા પર નિશાન સાધતા લખ્યું - ‘તમે હાર્દિક સાથે આ સેલિબ્રેશન સેલિબ્રેટ કરી શક્યા હોત અને પછી બહાર ગયા હોત, તે તેના અને તમારા બાળક માટે સારી યાદ બની જતી. બીજા એક યુઝરે લખ્યું- ‘એક પિતાને તેના પુત્રથી અલગ કર્યા.’