પેરિસ ઓલિમ્પિક્સ 2024નો 13મો દિવસ ભારતીય ખેલાડીઓ અને દેશવાસીઓ માટે ખાસ બનવાનો છે. કારણ કે આજે એટલે કે 8મી ઓગસ્ટે નીરજ ચોપરા ભાલા ફેંક ઈવેન્ટની ફાઈનલ રમી રહ્યો છે.

ભારતના સ્ટાર ખેલાડી નીરજ ચોપરા આજે ઇતિહાસ રચવા તરફ આગળ વધી રહ્યા છે.

જો નીરજ ચોપરા ગોલ્ડ મેડલ જીતશે તો તે ઓલિમ્પિક ઈતિહાસમાં ભાલા ફેંકનું ટાઈટલ જાળવી રાખનાર પાંચમો ખેલાડી બની જશે.

આ સાથે તે વ્યક્તિગત ઈવેન્ટમાં બે ગોલ્ડ મેડલ જીતનાર પ્રથમ ભારતીય ખેલાડી પણ બની જશે.

નીરજ ચોપરાએ ક્વોલિફિકેશન રાઉન્ડમાં શાનદાર પ્રદર્શન કર્યું અને પહેલા જ પ્રયાસમાં 89.34 મીટરનો થ્રો કર્યો અને સીધો ફાઇનલમાં પ્રવેશ કર્યો.

નીરજ ચોપરાની ભાલા ફેંકની ફાઈનલ આજે એટલે કે 8મી ઓગસ્ટે યોજાશે. આ મેચ પેરિસના આઇકોનિક સ્ટેડ ડી ફ્રાન્સમાં રમાશે.

નીરજ ચોપરાની ભાલા ફેંકની ફાઈનલ ભારતીય સમય અનુસાર નીરજ ચોપરાની ફાઈનલ 11:55 કલાકે શરૂ થશે.