ભારતમાં તહેવારોમાં અને શુભ પ્રસંગે મહિલાઓ હાથમાં મહેંદી લગાવે છે. રક્ષાબંધનનો તહેવાર બહેનો માટે વધુ ખાસ બની જાય છે, જ્યારે તેમના હાથ પર લગાવેલી મહેંદીનો રંગ વધુ ઘાટો હોય છે. પરંતુ દર વખતે એવું નથી થતું કે મહેંદીનો રંગ ઘાટો જ હોય. 

પરંતુ તમે કેટલીક ટ્રિક્સની મદદથી તમારા હાથ પર મહેંદીના રંગને વધુ ઘાટો કરી શકો છો.

લવિંગનો ધુમાડો

મહેંદી સુકાઈ જાય પછી થોડીવાર માટે તમારા હાથને ગરમ લવિંગના ધુમાડા પર રાખો. લવિંગની ગરમીને કારણે મહેંદીનો રંગ કુદરતી રીતે ઘાટો થઈ જાય છે.

વિક્સ કે ટાઇગર બામ

આ માટે સૂકી મહેંદી હાથ પરથી ઉખાડી લીધા બાદ તેના પર વિક્સ અથવા ટાઈગર બામ લગાવો. તેમાં રહેલું મેન્થોલ મહેંદીના રંગને વધુ ઘાટો બનાવે છે.

ખાંડ અને લીંબુનો રસ 

આ મિશ્રણ મહેંદીને લાંબા સમય સુધી ભીનું રાખે છે. જેનાથી મહેંદીનો રંગ વધુ ઘાટો બને છે.

ચા

જો તમે હાથ પર મહેંદી લગાવતા પહેલાં ચાના હૂંફાળા પાણીથી તમારા હાથ ધોશો, તો ચામાં રહેલા ટેનિન્સ મહેંદીનો રંગ ઘાટો કરવામાં મદદ કરી શકે છે.

સરસવના તેલની માલિશ

સૂકી મહેંદીને ઉખાડી લો, ત્યારે સૌથી પહેલા તમારા હાથ પર સરસવના તેલની માલિશ કરો. સરસવનું તેલ હથેળી પર ગરમી પેદા કરે છે, જેના કારણે મહેંદીનો રંગ ઘાટો થાય છે.