સ્ટાર ભારતીય ક્રિકેટર શિખર ધવને તાજેતરમાં જ આંતરરાષ્ટ્રીય અને ડોમેસ્ટિક ક્રિકેટમાંથી નિવૃત્તિ લીધી હતી.

38 વર્ષના શિખર ધવને એક વિડિયો શેર કરીને નિવૃત્તિના સમાચાર આપ્યા હતા.

આ પછી હવે વેસ્ટ ઇન્ડિઝના ફાસ્ટ બોલર શેનન ગેબ્રિયલ પણ ઇન્ટરનેશનલ ક્રિકેટમાંથી નિવૃત્તિ લઇ ચુક્યા છે.

ગેબ્રિયેલે લખ્યું, 'છેલ્લા 12 વર્ષથી મેં વેસ્ટ ઇન્ડિઝ માટે ઇન્ટરનેશનલ ક્રિકેટ રમવા માટે મારી જાતને સમર્પિત કરી છે. ઉચ્ચ સ્તરે આ પ્રિય રમત રમવાથી મને ખુબ જ આંનદ થયો છે, પરંતુ કહેવત મુજબ, બધી સારી વસ્તુઓનો અંત આવવો જોઈએ.'

36 વર્ષીય ગેબ્રિયલ વેસ્ટ ઇન્ડિઝ માટે 59 ટેસ્ટ, 25 ODI અને 2 T20 ઇન્ટરનેશનલ મેચ રમ્યો છે. આ સમયગાળા દરમિયાન, તેણે ટેસ્ટમાં 166, ODIમાં 33 અને T20 અંતરરાષ્ટ્રીયમાં 3 વિકેટ ઝડપી હતી.

ફેબ્રુઆરી 2019માં સેન્ટ લુસિયા ટેસ્ટ દરમિયાન ગેબ્રિયલએ અંગ્રેજી ખેલાડી જો રૂટ માટે અપશબ્દનો ઉપયોગ કર્યો હતો. ત્યારબાદ ગેબ્રિયેલે રૂટ સાથેની ચર્ચા દરમિયાન સમલૈંગિકતા સંબંધિત કથિત ટિપ્પણી કરી હતી.

આ પછી, ICCએ ગેબ્રિયલ પર 4 મેચનો પ્રતિબંધ અને મેચ ફીના 75 ટકાનો દંડ લગાવ્યો હતો.