સવારે જલેબી, ગુલાબ જાંબુ, સમોસા ખાવા કોને પસંદ નથી હોતા

ઘણા લોકો તેને ખાય છે અને ઘણા લોકો ખાવાનું ટાળે છે. વધારે કેલરીના કારણે તે જંકફૂડમાં ગણાય છે.

જે લોકો ખાવાનું પસંદ કરે છે, તેમાંના કેટલાક માને છે કે જો તેઓ જમ્યા પછી ચાલવા જાય, તો તેમની કેલરી બળી જશે.

હવે જો તમે પણ એવું જ વિચારતા હોવ તો જાણો, તમારા મનપસંદ સમોસા, ગુલાબ જાંબુ, છોલે-ભટુરા, પરાઠા જેવી કેલેરી બર્ન કરવા માટે તમારે કેટલું ચાલવું પડશે.

1 સમોસામાં અંદાજે 262 કેલરી હોય છે. આટલી બધી કેલરી બર્ન કરવા માટે તમારે લગભગ 1 કલાક ચાલવું પડશે.

1 ગુલાબ જાંબુમાં લગભગ 175 કેલરી હોય છે. આટલી બધી કેલરી બર્ન કરવા માટે તમારે લગભગ 45 મિનિટ ચાલવું પડશે.

છોલે-ભટુરાની 1 થાળીમાં લગભગ 425 કેલરી હોય છે. કેલરી બર્ન કરવા માટે તમારે લગભગ 1 કલાક 45 મિનિટ ચાલવું પડશે.

બટર વગરના 1 આલૂ પરાઠામાં લગભગ 240 કેલરી હોય છે. કેલરી બર્ન કરવા માટે તમારે લગભગ 55 મિનિટ ચાલવું પડશે.

1 ચીઝ પિઝામાં(10 ઇંચ) લગભગ 1000 કેલરી હોય છે. આટલી બધી કેલરી બર્ન કરવા માટે, વ્યક્તિએ લગભગ 4 કલાક ચાલવું પડશે.