પરંપરાગત સાડી અને ઘરેણા પહેરી કીર્તિ સુરેશ બની દુલ્હન, જુઓ સુંદર ફોટા

દક્ષિણ ભારતીય સિનેમાની પ્રખ્યાત અભિનેત્રી કીર્તિ સુરેશ હવે શ્રીમતી બની ગઈ છે. અભિનેત્રીએ તેના લાંબા સમયના બોયફ્રેન્ડ એન્ટોની થટીલ સાથે લગ્ન કર્યા.

બંનેએ ગોવામાં તમિલ રીતિ-રિવાજ પ્રમાણે સંબંધીઓ અને નજીકના મિત્રો સમક્ષ સાત ફેરા ફર્યાં.

કીર્તિએ પોતાના ઇન્સ્ટાગ્રામ પર લગ્નની પ્રથમ તસવીરો શેર કરી.

આ તસવીરોમાં કીર્તિ દક્ષિણ ભારતીય દુલ્હન તરીકે ખૂબ જ સુંદર દેખાઈ રહી છે..

એન્ટોની પણ પરંપરાગત ધોતીમાં સુંદર લાગી રહ્યો છે.

કીર્તિએ એન્ટોની સાથે લગ્ન કરવા માટે પરંપરાગત બે સાડીઓ પસંદ કરી. એક લુકમાં તે પીળા સિલ્કની સાડીમાં જોવા મળી હતી, જેમાં પહોળી લીલી બોર્ડર હતી.

અભિનેત્રીએ લીલા રંગના બ્લાઉઝ સાથે પીળી સિલ્ક સાડીની જોડી બનાવી હતી, જેની પફ્ડ સ્લીવ્સ તેના દેખાવમાં સુંદરતા ઉમેરી રહી હતી.

બીજા લુક માટે અભિનેત્રીએ સિલ્વર બોર્ડર સાથે લાલ સાડી પસંદ કરી. આખી સાડી પર સિલ્વર કલરમાં નાના ફૂલો બનાવવામાં આવ્યા હતા.

કીર્તિએ તેના બ્રાઇડલ લુકને પૂર્ણ કરવા તેણે માથા પટ્ટી, માંગ ટીક્કા, ચોકર, મોટી મેચિંગ ઇયરિંગ્સ અને વીંટી પહેરીને તેના બ્રાઇડલ લુકમાં વધારો કર્યો.

આ સાથે તે બે પ્રકારની નોઝ રિંગ્સ પણ પહેરેલી જોવા મળી હતી. કીર્તિએ પણ ગળામાં પીળી દોરી સાથે ભારતીય મંગળસૂત્ર પહેર્યું હતું

કીર્તિ અને એન્ટોનીના લગ્નની તસવીરો સોશિયલ મીડિયા પર ઝડપથી વાયરલ થઈ રહી છે.