Stock Market News: શુક્રવારે શેરબજારમાં નબળાઈ સાથે કારોબારની શરૂઆત થઈ. નિફ્ટી 88 પોઈન્ટની નબળાઈ સાથે 24213ના સ્તરે ખુલ્યો હતો, જ્યારે સેન્સેક્સ 271 પોઈન્ટના ઘટાડા સાથે 79779ના સ્તરે ખુલ્યો હતો.
ક્રૂડ ઓઈલમાં તેજી અને એશિયન બજારના નબળા સંકેતો વચ્ચે આજે સ્થાનિક બજારમાં વેચવાલીનું દબાણ જોવા મળી રહ્યું છે. એચડીએફસી બેન્કના નબળા બિઝનેસ અપડેટને કારણે ડોમેસ્ટિક ઇક્વિટી બેન્ચમાર્ક સૂચકાંકો સેન્સેક્સ અને નિફ્ટી રેકોર્ડ હાઈથી નીચે આવી ગયા છે. જો કે મિડકેપ અને સ્મોલકેપ શેરોમાં ખરીદારીનો ટ્રેન્ડ જોવા મળી રહ્યો છે. એકંદરે, BSE પર લિસ્ટેડ કંપનીઓના માર્કેટ કેપમાં રૂ. 5700 કરોડનો ઘટાડો થયો છે, એટલે કે બજાર ખુલતાની સાથે જ રોકાણકારોની સંપત્તિમાં રૂ. 5700 કરોડનો ઘટાડો થયો છે.
હવે ઇક્વિટી બેન્ચમાર્ક સૂચકાંકોની વાત કરીએ તો, BSE સેન્સેક્સ હાલમાં 250.52 પોઇન્ટ અથવા 0.31 ટકાના ઘટાડા સાથે 79,799.15 પર છે અને નિફ્ટી 50 54.30 પોઇન્ટ અથવા 0.22 ટકાના ઘટાડા સાથે 24,247.85 પર છે. એક ટ્રેડિંગ દિવસ પહેલા સેન્સેક્સ 80,049.67 પર અને નિફ્ટી 24,302.15 પર બંધ થયો હતો.
એક ટ્રેડિંગ દિવસ અગાઉ એટલે કે 4 જુલાઈ, 2024ના રોજ, BSE પર સૂચિબદ્ધ તમામ શેર્સની કુલ માર્કેટ કેપ રૂ. 4,47,30,452.99 કરોડ હતી. આજે એટલે કે 5મી જુલાઈ 2024ના રોજ બજાર ખુલતાની સાથે જ તે 4,47,24,725.35 કરોડ રૂપિયા પર રહે છે. મતલબ કે રોકાણકારોની મૂડીમાં રૂ. 5,727.64 કરોડનો ઘટાડો થયો છે. સેન્સેક્સ પર 30 શેર લિસ્ટેડ છે જેમાંથી 20 ગ્રીન ઝોનમાં છે. સૌથી વધુ ફાયદો ટેક મહિન્દ્રા, બજાજ ફિનસર્વ અને સન ફાર્મામાં થયો છે. બીજી તરફ HDFC બેન્ક, M&M અને Titanમાં સૌથી વધુ ઘટાડો જોવા મળ્યો છે.
આ પણ વાંચો: ક્રેડિટ કાર્ડનો ઉપયોગ કરતા લોકો માટે જાણવું જરૂરી
આ પણ વાંચો: કરદાતાઓ જાણો! ઈન્કમટેક્સ રિટર્ન ફાઈલ કરવાની અંતિમ તારીખ 31 જુલાઈ
આ પણ વાંચો: ભારતનું NBFC સેક્ટર બન્યું વિશ્વનું ત્રીજું સૌથી મોટું સેક્ટર
