પિતાની માંગણી: પંજાબમાં ગાયક સિદ્ધુ મુસેવાલાની ગોળી મારીને હત્યા કરવામાં આવી હતી. હવે મુસેવાલાના પિતા બલકૌર સિંહે મુખ્યમંત્રી ભગવંત માનને હાઈકોર્ટના સીટીંગ જજ દ્વારા તપાસ કરાવવા વિનંતી કરી છે. તેમનું કહેવું છે કે પંજાબ સરકારે સેન્ટ્રલ બ્યુરો ઑફ ઈન્વેસ્ટિગેશન (CBI) અને નેશનલ ઈન્વેસ્ટિગેશન એજન્સી (NIA)ને પણ તપાસમાં સામેલ કરવી જોઈએ.
મુસેવાલાની હત્યાને ગેંગવોર સાથે જોડવા બદલ પોલીસ મહાનિર્દેશક (ડીજીપી) પાસેથી જાહેરમાં માફી માંગવાની પણ માંગ કરી હતી. જણાવી દઈએ કે મુસેવાલાના પરિવારજનો મૃતદેહનું પોસ્ટમોર્ટમ કરાવવા તૈયાર નથી. મુખ્ય પ્રધાન ભગવંત માનને લખેલા પત્રમાં, બલકૌર સિંહે આ ઘટના માટે આમ આદમી પાર્ટી (AAP) સરકારની કથિત અસમર્થતાને જવાબદાર ઠેરવી હતી.
અધિકારીઓને જવાબદાર ઠેરવવા જોઈએ?
સિંહે પત્રમાં લખ્યું છે કે શુભદીપની માતા મને પૂછી રહી છે કે તેનો પુત્ર ક્યાં છે અને તે ક્યારે પાછો આવશે. હું શું જવાબ આપું? મને આશા છે કે ન્યાય મળશે. તેમણે કહ્યું કે જે અધિકારીઓએ તેમના પુત્રની સુરક્ષાની સમીક્ષા કરી અને સુરક્ષા પાછી ખેંચવાનો આદેશ જાહેર કર્યો તેઓને જવાબદાર ઠેરવવા જોઈએ.
પંજાબ સરકાર વિનંતી કરશે
આ મામલે પંજાબના મુખ્યમંત્રી ભગવંત માને કહ્યું કે તેમની સરકાર પંજાબ અને હરિયાણા હાઈકોર્ટના મુખ્ય ન્યાયાધીશને સિદ્ધુ મુસેવાલા હત્યા કેસની તપાસ સીટિંગ જજ દ્વારા કરાવવાની વિનંતી કરશે. રાજ્ય સરકાર આ જઘન્ય અપરાધના ગુનેગારોને ન્યાયાલયમાં લાવવામાં કોઈ કસર છોડશે નહીં.
NIA તપાસમાં સહકાર
મુખ્યમંત્રીએ કહ્યું કે રાજ્ય સરકાર આ તપાસ પંચમાં NIA જેવી કેન્દ્રીય એજન્સીને સંપૂર્ણ સહકાર આપશે. સુરક્ષામાં ખામી અને જવાબદારીના પાસાઓ પર ઉચ્ચ સ્તરે તપાસના આદેશ આપવામાં આવ્યા છે.
આ પણ વાંચો: gangster/ 50થી વધુ કેસ, ગેંગમાં 600 શાર્પ શૂટર્સ, મૂસેવાલાના કિલરની ક્રાઈમ કુંડળી
આ પણ વાંચો: Jan Samarth Portal/ હવે એક જ પોર્ટલ પર મળશે તમામ સુવિધાઓ, સરકાર ટૂંક સમયમાં લોન્ચ કરશે ‘જન સમર્થ’ પોર્ટલ
આ પણ વાંચો: Chardham Yatra 2022/ કેદારનાથ ધામમાં અત્યાર સુધીમાં 100થી વધુ શ્રદ્ધાળુઓના મોત, જાણો અહીં કેમ થઈ રહ્યા છે મોત
