સમગ્ર દુનિયામાં કોરોના વાયરસનાં ઝડપથી ફેલાતા વેરિઅન્ટ ‘ઓમિક્રોન’નાં કેસ સતત વધી રહ્યા છે. હવે અમેરિકા અને યુરોપમાં સ્થિતિ બગડવાના સંકેત દેખાઈ રહ્યા છે. આ મુસિબત હજુ ઓછી થઇ નથી કે એક નવી મુસિબત સામે આવી ગઇછે. જણાવી દઇએ કે, છેલ્લા કેટલાક દિવસોમાં ‘ડેલ્મિક્રોન’ વિશે સમાચાર આવી રહ્યા છે. નિષ્ણાતો માને છે કે, પશ્ચિમ ડેલ્ટા વેરિઅન્ટ અને ઓમિક્રોનની બેવડી માર વચ્ચે ફસાઈ શકે છે. ભારતમાં અત્યાર સુધીમાં Omicron સંબંધિત 350 થી વધુ કેસ નોંધાયા છે. અહીં પણ, અત્યાર સુધી નિષ્ણાતોએ કહ્યું હતું કે ડેલ્ટા વેરિઅન્ટ ભારતમાં દર્દીઓની સંખ્યામાં વધારો કરી રહ્યું છે.
આ પણ વાંચો – આરોપી ઝડપાયા / અમદાવાદના મકરબામાંથી બે કાશ્મીરી યુવક ચરસ સાથે ઝડપાયા,દોઢ લાખનું ચરસ જપ્ત
એક રિપોર્ટ અનુસાર મહારાષ્ટ્રમાં કોવિડ-19 ટાસ્કફોર્સનાં સભ્ય ડૉ. શશાંક જોશીએ એક પ્રતિષ્ઠિત અખબારની સાથે વાતચીતમાં કહ્યુ હતુ કે, ‘ડેલ્મિક્રોન, ડેલ્ટા અને ઓમિક્રોનનાં જોડિયા વધારાની સાથે યુરોપ અને અમેરિકામાં કેસોની મિની સુનામી આવી છે.’ ઓમિક્રોન પહેલીવાર દક્ષિણ આફ્રિકામાં નવેમ્બરમાં સામે આવ્યો હતો. હવે કોરોનાનાં આ વેરિઅન્ટે 89 દેશોમાં દસ્તક આપી દીધી છે. ડેલ્મિક્રોન એ કોરોના વાયરસનું નવું વેરિઅન્ટ નથી. જેમા ડેલ્ટા અને ઓમિક્રોન સ્ટ્રેન મળીને કોવિડ-19નાં કેસમાં વધારો કરી રહ્યા છે. રિપોર્ટ અનુસાર, ડેટા દર્શાવે છે કે ઓમિક્રોન યુએસમાં વધુ અસર ધરાવતું વેરિઅન્ટ છે. વળી, રોગ નિયંત્રણ અને નિવારણ કેન્દ્રો કહે છે કે ગયા મહિને યુએસમાં 99.5 ટકાથી વધુ કેસ માટે ડેલ્ટા વેરિઅન્ટ જવાબદાર છે. વળી, મીડિયા અહેવાલો અનુસાર, અમેરિકામાં ઓમિક્રોનને કારણે એક મૃત્યુ થયું છે. અહેવાલો અનુસાર, ડોકટરોનું કહેવું છે કે નબળી રોગપ્રતિકારક શક્તિ ધરાવતા લોકો, વૃદ્ધ અને ગંભીર રોગોથી પીડિત લોકોમાં ડેલ્ટા અને ઓમિક્રોન વેરિઅન્ટ્સથી ચેપ લાગવાનું જોખમ વધારે છે. નિષ્ણાતો કહે છે કે ઓછા રસીકરણ દર ધરાવતા વિસ્તારો પણ જોખમમાં છે. જો કે, આરોગ્ય નિષ્ણાતોનાં અભિપ્રાય એ હકીકત વિશે વિભાજિત છે કે બન્ને વેરિઅન્ટ એકસાથે સુપર સ્ટ્રેન બનાવી શકે છે. કેટલાક સંશોધકોએ ચેતવણી પણ આપી છે કે આવા સંયોજન ખૂબ જ દુર્લભ છે, પરંતુ તે શક્ય છે.
આ પણ વાંચો – ઉજવણી પર રોક / રાજ્યમાં 31 ડિસેમ્બરની ઉજવણી પર લાગી શકે છે રોક! ટૂંક સમયમાં સરકાર કરી શકે છે જાહેરાત
એક ડેટા અનુસાર, ભારતમાં ઓમિક્રોનનાં 350 થી વધુ દર્દીઓ મળી આવ્યા છે. મીડિયા રિપોર્ટ્સ અનુસાર જોશીએ કહ્યું, ‘હાલમાં ડેલ્ટાનાં વંશજ મુખ્યત્વે ભારતમાં ફેલાઈ રહ્યા છે. ઓમિક્રોન ઝડપથી વિશ્વનાં અન્ય ભાગોમાં ડેલ્ટાને બદલી રહ્યું છે, પરંતુ હાલમાં ડેલ્ટા ડેરિવેટિવ્સ અને ઓમિક્રોન કેવી રીતે વર્તે છે તેની આગાહી કરવાની કોઈ રીત નથી. સર્વેમાં સમાવિષ્ટ 90 ટકાથી વધુ વસ્તી કોવિડનો શિકાર બની છે. ઉપરાંત, 88 ટકા વસ્તીએ રસીનો ઓછામાં ઓછો પ્રથમ ડોઝ મેળવ્યો છે.
