પૂર્વ આર્મી ચીફ જનરલ બિપિન રાવતનાં રૂપમાં દેશને પ્રથમ ચીફ ઓફ ડિફેન્સ સ્ટાફ (સીડીએસ) મળ્યો છે. બિપીન રાવતને યુ.એસ. સહિતનાં ઘણા દેશોનાં અભિનંદન સંદેશા મળી રહ્યાં છે. જણાવી દઈએ કે, 15 ઓગસ્ટનાં રોજ વડા પ્રધાન નરેન્દ્ર મોદીએ ત્રણ સેવાઓનાં પ્રમુખ સીડીએસ નિમણૂંક કરવાની વાત કરી હતી. બિપિન રાવત સીડીએસ બન્યા બાદ કોંગ્રેસે તેનો વિરોધ શરૂ કરી દીધો છે અને કહ્યું છે કે, સરકાર ખોટા પગલા લઈ રહી છે.
ઉલ્લેખનીય છે કે, મંગળવારે જનરલ બિપિન રાવતે આર્મી ચીફનાં પદ પરથી સેવાનિવૃત્તિ લીધા બાદ પ્રથમ સીડીએસનો પદ સંભાળ્યો હતો. આ પ્રસંગે દેશ જ નહીં વિદેશથી પણ તેમને અભિનંદન સંદેશા મળી રહ્યાં છે. દરમિયાન, કોંગ્રેસે સીડીએસની સ્થિતિનો વિરોધ કરતાં મોદી સરકાર પર ખોટું પગલું ભરવાનો આરોપ લગાવ્યો હતો. કોંગ્રેસ નેતા મનીષ તિવારીએ ટ્વીટ કરીને આનો વિરોધ દર્શાવ્યો છે. મનીષે પોતાના ટ્વિટ દ્વારા પૂછ્યું કે રક્ષમંત્રીનાં મુખ્ય સૈન્ય સલાહકારની નિમણૂંક કર્યા પછી ત્રણ સેના પ્રમુખ (પાણી, જમીન, હવા) દ્વારા આપવામાં આવેલા સૂચનોનું શું થશે?
કોંગ્રેસ નેતાએ વધુમાં પુછ્યું કે, શું સરકાર સીડીએસની સલાહને સેના પ્રમુખની સલાહથી વધુ મહત્વ આપશે? શું ત્રણેય સેના પ્રમુખ સીડીએસ દ્વારા સંરક્ષણ પ્રધાનને રિપોર્ટ કરશે? કોંગ્રેસ નેતા મનીષ તિવારીએ પૂછ્યું કે, શું સંરક્ષણ પ્રધાન કરતા સીડીએસની શક્તિ વધુ હશે? શું સંરક્ષણ સચિવ સંરક્ષણ મંત્રાલયનાં વહીવટી વડા રહેશે? આ સિવાય લશ્કરી બાબતો માટે બનાવેલા વિભાગો શું કામ કરશે? કોંગ્રેસનાં નેતા આગળ લખે છે કે, શું સીડીએસ ત્રણેય લશ્કરી સંગઠનો અને મથકોથી ઉપર રહેશે? સરકારે જણાવવું જોઈએ કે નાગરિક સૈન્ય સંબંધો પર સીડીએસનો અધિકાર રહેશે કે કેમ?
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
