કર્ણાટક હાઈકોર્ટે હિજાબ વિવાદ પર પોતાનો ચુકાદો આપ્યો છે. આમાં, હિજાબને ઇસ્લામની ફરજિયાત ધાર્મિક પ્રથાનો ભાગ માનવામાં આવતો નથી. હવે આ મુદ્દે રાજકારણ પણ તેજ થઈ ગયું છે. અસદુદ્દીન ઓવૈસીએ કર્ણાટક હાઈકોર્ટના નિર્ણય પર અસંતોષ વ્યક્ત કર્યો છે. આટલું જ નહીં, તેમણે ઓલ ઈન્ડિયા મુસ્લિમ પર્સનલ લો બોર્ડ સહિત અન્ય સંસ્થાઓને તેની સામે અવાજ ઉઠાવવાની અપીલ કરી.
AIMIM નેતા અને હૈદરાબાદના સાંસદ અસદુદ્દીન ઓવૈસીએ લખ્યું, ‘હું કર્ણાટક હાઈકોર્ટના નિર્ણય સાથે સહમત નથી. મને નિર્ણય સાથે અસંમત થવાનો અધિકાર છે. મને આશા છે કે અરજદારો સુપ્રીમ કોર્ટમાં જશે.
અસદુદ્દીન ઓવૈસીએ આગામી ટ્વીટમાં લખ્યું કે મને આશા છે કે AIMPLB (ઓલ ઈન્ડિયા મુસ્લિમ પર્સનલ લો બોર્ડ)ની સાથે અન્ય સંસ્થાઓ પણ આ નિર્ણય સામે અપીલ કરશે.
કર્ણાટક હાઈકોર્ટનો શું નિર્ણય છે?
કર્ણાટક હાઈકોર્ટે શૈક્ષણિક સંસ્થાઓમાં હિજાબ પરના પ્રતિબંધને પડકારતી તમામ અરજીઓ ફગાવી દીધી છે. કર્ણાટક હાઈકોર્ટે કહ્યું કે હિજાબ પહેરવું એ ઈસ્લામની ફરજીયાત ધાર્મિક પ્રથા નથી. વધુમાં કહેવામાં આવ્યું હતું કે 5 ફેબ્રુઆરીના સરકારી આદેશને અમાન્ય કરવા માટે કોઈ કેસ કરવામાં આવ્યો નથી.
કર્ણાટક હાઈકોર્ટે હિજાબ વિવાદમાં પોતાનો ચુકાદો સંભળાવતા કહ્યું હતું કે સ્કૂલ યુનિફોર્મનું પ્રિસ્ક્રિપ્શન વાજબી પ્રતિબંધ છે, જેની સામે વિદ્યાર્થી વાંધો ઉઠાવી શકે નહીં.
હિજાબનો મામલો સુપ્રીમ કોર્ટમાં જશે
સ્કૂલ-કોલેજમાં હિજાબ પહેરવા પર કર્ણાટક હાઈકોર્ટના નિર્ણયથી નિરાશ થઈને અરજી કરનાર યુવતીઓ અને સંસ્થાઓ તેને સુપ્રીમ કોર્ટમાં પડકારવાની તૈયારી કરી રહી છે. વકીલોની ટીમ હાલમાં ચુકાદાનો અભ્યાસ કરી રહી છે. અરજદારોના વકીલો તેમાંથી કાયદાકીય મુદ્દાને જોયા પછી તેને સુપ્રીમ કોર્ટમાં પડકારશે.
આ પણ વાંચો : ‘ધ કાશ્મીર ફાઇલ્સ’ પર PM મોદીનું નિવેદન, ‘સત્યને દબાવવાનો પ્રયાસ કરવામાં આવ્યો’
આ પણ વાંચો :ઓમ પ્રકાશ રાજભરે આપ્યું ચોકાવનારૂં નિવેદન,જાણો શું કહ્યું…
આ પણ વાંચો :અખિલેશ યાદવનો દાવો, આ કારણે લોકોએ યુપી વિધાનસભા ચૂંટણીમાં બીજેપીને વોટ આપ્યા
આ પણ વાંચો :શાળા-કોલેજોમાં હિજાબ પહેરવાની મંજૂરી નહીં,કર્ણાટક હાઈકોર્ટે હિજાબ વિરુદ્ધના આદેશને પડકારતી અરજી ફગાવી
