Delhi News: દિલ્હીમાં ચોરીનો એક વિચિત્ર કિસ્સો સામે આવ્યો છે. અહીં દિલ્હી પોલીસે ગયા અઠવાડિયે એક મહિલા અને તેની પુત્રીની ધરપકડ કરી છે. તેના પર બેંક લોકરમાંથી અન્ય વ્યક્તિના દાગીનાની ચોરી કરવાનો આરોપ છે. આ બધું બેંક કર્મચારીની ભૂલને કારણે થયું. પોલીસે જણાવ્યું કે આ મામલે તપાસ કરવામાં આવી રહી છે.
જાણો શું છે સમગ્ર મામલો
વાસ્તવમાં, 5 સપ્ટેમ્બરે નોંધાયેલી એફઆઈઆરમાં યશપાલ નામના વ્યક્તિએ કહ્યું કે તેનું લગભગ 20 વર્ષથી જંગપુરા સ્થિત પંજાબ નેશનલ બેંકમાં ખાતું છે. તેમની પાસે લોકર પણ છે. તેણે કહ્યું કે, ‘છેલ્લા કેટલાક દિવસોથી હું લોકર ખોલાવવા બેંકમાં જતો હતો પરંતુ તેના તાળામાં થોડી સમસ્યા હતી… 4 સપ્ટેમ્બરે લોકર ઈન્ચાર્જે મને બેંકમાં બોલાવ્યો અને કહ્યું કે ગોદરેજના પ્રતિનિધિઓ પણ આવશે જેથી લોક ખોલી શકાય. યશપાલે કહ્યું કે મારા લોકરમાં સોનાના દાગીનાની સાથે રજિસ્ટ્રીના દસ્તાવેજો હતા.
જ્યારે લોકર ખોલ્યું…
પાલે કહ્યું કે જ્યારે લોકર ખોલવામાં આવ્યું ત્યારે તેને આશ્ચર્ય થયું. તેના તમામ કિંમતી ઘરેણાં ગાયબ હતા. તેણે આ અંગે બેંક મેનેજરને પૂછપરછ કરી. બેંક મેનેજરે જણાવ્યું કે 10 જુલાઈના રોજ શશી અને આશી રામાણી નામની બે મહિલાઓએ લોકર ખોલવા માટે જરૂરી દસ્તાવેજો આપ્યા હતા.
આ પણ વાંચો: મહિલા રેસલર વિનેશ ફોગટનો રાજકારણમાં પ્રવેશ, દિલ્હીમાં આજે કોંગ્રેસમાં જોડાશે
આ પણ વાંચો: નકલી વિઝા પર કેનેડા જવાનો પ્રયત્ન કરનારા ગુજરાતીની દિલ્હી એરપોર્ટ પર ધરપકડ
