Jammu Kashmir News: જમ્મુ-કાશ્મીરમાં સીમા સુરક્ષા દળ (BSF)ની બસને અકસ્માત નડ્યો. આ દુર્ઘટનામાં ત્રણ જવાનોના મોતની આશંકા છે, જ્યારે 26 જવાનો ઘાયલ થયા છે. આ અકસ્માતમાં મૃત્યુઆંક વધી શકે છે. બચાવ કામગીરી ચાલી રહી છે અને ઘાયલોને ખાનસાહેબ અને બડગામની હોસ્પિટલમાં દાખલ કરવામાં આવ્યા છે. આ બસ જમ્મુ-કાશ્મીર વિધાનસભા ચૂંટણી 2024ના બીજા તબક્કામાં તૈનાત માટે સૈનિકો સાથે દક્ષિણ કાશ્મીરના પુલવામાથી બડગામ જઈ રહી હતી, ત્યારે આ અકસ્માત થયો હતો.
કેવી રીતે થયો અકસ્માત?
જી/124 બીએસએફની 01 કંપની પીએસ-ખાનસાહેબની વોટરહોલ પોલીસ ચોકીમાં ચૂંટણી ફરજ માટે જઈ રહી હતી. સાંજે લગભગ 5 વાગ્યે, BSF જવાનોને લઈને પુલવામાથી બડગામ જઈ રહેલી બસ તેમની પોલીસ ચોકી વોટરહોલથી માત્ર 600 મીટર પહેલા એક ખાઈમાં પડી ગઈ હતી. બે જવાનો હજુ પણ બસની અંદર ફસાયેલા છે. CRPF, BSF, નાગરિક પોલીસ અને સામાન્ય નાગરિકો તેમને બચાવવાનો પ્રયાસ કરી રહ્યા છે. ખાઈમાં પડી જતાં બસના ટુકડા થઈ ગયા હતા અને બસમાં મુસાફરી કરી રહેલા BSF જવાનને ગંભીર ઈજાઓ થઈ હતી. હાલમાં બચાવ કામગીરી ચાલી રહી છે અને ઘાયલોને તાત્કાલિક સારવાર આપવા માટે મેડિકલ ટીમો મોકલવામાં આવી છે. અધિકારીઓ અકસ્માતના કારણની તપાસ કરી રહ્યા છે.
Budgam, J&K: A major accident occurred in Budgam, where a bus carrying BSF personnel plunged into a deep gorge. Rescue operations are currently underway, and medical teams have been dispatched to provide urgent care to the injured. Authorities are investigating the cause of the… pic.twitter.com/4A4Cyj3UFI
— IANS (@ians_india) September 20, 2024
જમ્મુ-કાશ્મીરમાં ત્રણ તબક્કામાં ચૂંટણી
જમ્મુ-કાશ્મીરની 90 સીટો પર ત્રણ તબક્કામાં ચૂંટણી યોજાઈ રહી છે. પ્રથમ તબક્કાનું મતદાન 18 સપ્ટેમ્બરે થયું હતું. જમ્મુ ક્ષેત્રના 3 જિલ્લા અને કાશ્મીર ઘાટીના 4 જિલ્લાઓની કુલ 24 બેઠકો પર મતદાન થયું છે. મતદાનના પ્રથમ તબક્કામાં 90 અપક્ષ સહિત 219 ઉમેદવારોનું ભાવિ ઈવીએમમાં સીલ થઈ ગયું છે. પ્રથમ તબક્કામાં કુલ 23 લાખ મતદારોના નામ મતદાર યાદીમાં હતા. બીજા તબક્કાનું મતદાન 25 સપ્ટેમ્બરે અને ત્રીજા તબક્કાનું મતદાન 1 ઓક્ટોબરે થવાનું છે. 8 ઓક્ટોબરે ચૂંટણીના પરિણામો જાહેર થશે. કેન્દ્રશાસિત પ્રદેશ જમ્મુ-કાશ્મીરમાં લગભગ 10 વર્ષ બાદ ચૂંટણી યોજાઈ રહી છે.
આ પણ વાંચો:અમદાવાદમાં SG હાઈવે પર નબીરાઓનો આતંક, નંબર પ્લેટ વગરની કારથી લગાવી રેસ
આ પણ વાંચો:મુંબઈના રસ્તાઓ પર કાર ચલાવતો જોવા મળ્યો રોહિત શર્મા, નંબર પ્લેટમાં શું છે ખાસ?
આ પણ વાંચો:અમિત શાહ અને રાજનાથ સિંહની કારની નંબર પ્લેટ પર ‘CAA’, સોશિયલ મીડિયા પર થયું વાયરલ
