અમદાવાદ: નેશનલ હાઈ સ્પીડ રેલ કોર્પોરેશન લિમિટેડે (NHRCL) અમદાવાદ-મુંબઈ હાઈ-સ્પીડ રેલ પ્રોજેક્ટ (Bullet train Project) પર ઇલેક્ટ્રિકલ કામો ચલાવવા માટેના કરાર પર હસ્તાક્ષર કર્યા. NHSRCLના અધિકારીઓએ જણાવ્યું હતું કે કોન્ટ્રાક્ટ આપવામાં આવેલ કંપની 320 કિમી/કલાકની ઝડપ માટે યોગ્ય 25 kV ઈલેક્ટ્રીફિકેશન સિસ્ટમ્સની ડિઝાઈન ઉત્પાદન, પુરવઠો, બાંધકામ, ઈન્સ્ટોલેશન, ટેસ્ટિંગ અને કમિશનિંગનું કામકાજ સંભાળશે.
આ કરાર પર હસ્તાક્ષર કરનારી કંપની સોજીટ્ઝ એન્ડ એલ એન્ડ ટી કન્સોર્ટિયમ જાપાનીઝ શિંકનસેન સિસ્ટમ આધારિત ટ્રેક્શન પાવર સપ્લાયને સામેલ કરશે. NHSRCL અધિકારીઓએ જણાવ્યું હતું કે BKC સ્ટેશનના નિર્માણ માટે જરૂરી જમીન, જે લગભગ 4.8 હેક્ટર છે, NHSRCL દ્વારા કોન્ટ્રાક્ટરને સોંપવામાં આવી છે.
સ્ટેશન બોટમ-અપ પદ્ધતિનો ઉપયોગ કરીને બનાવવામાં આવશે, જેનો અર્થ છે કે ખોદકામનું કામ ગ્રાઉન્ડ લેવલથી શરૂ થશે અને કોંક્રીટનું કામ ફાઉન્ડેશનથી શરૂ થશે. સ્ટેશન માટે જરૂરી ખોદકામ એકદમ વ્યાપક છે, જે 32 મીટરની ઊંડાઈ સુધી પહોંચે છે, જેનું પ્રમાણ આશરે 18 લાખ ક્યુબિક મીટર છે. આવા ઊંડા ખોદકામને સુરક્ષિત રીતે હાથ ધરવા માટે, જમીનને ધસી પડતી અટકાવવા માટે ગ્રાઉન્ડ સપોર્ટ સિસ્ટમનું નિર્માણ કરવું આવશ્યક છે. સ્ટેશન વિસ્તારમાં ખોદકામ શરૂ થઈ ગયું છે. હાલમાં લગભગ 700 મજૂરો અને સુપરવાઇઝર સાઇટ પર દિવસ-રાત કામ કરે છે. પ્રોજેક્ટ આગળ વધવાની સાથે આ સંખ્યામાં વધારો થવાની ધારણા છે. અનુમાન મુજબ, પીક ટાઇમ દરમિયાન દરરોજ જરૂરી મહત્તમ કર્મચારીઓની સંખ્યા 6000 વ્યક્તિઓ સુધી પહોંચી શકે છે.
આ પણ વાંચોઃ
આ પણ વાંચોઃ
આ પણ વાંચોઃ
