અમદાવાદ: અમદાવાદ મ્યુનિસિપલ કોર્પોરેશને મલ્ટી લેવલ પાર્કિંગ પાછળ ખર્ચેલા કરોડો રૂપિયા નકામાં જતાં તેણે વિપક્ષની આકરી ટીકાનો સામનો કરવો પડી રહ્યો છે. કોંગ્રેસના આગેવાન અને મ્યુનિસિપલ કાઉન્સિલર શેહઝાદ પઠાણે જણાવ્યું હતું કે સરકારે અણઘડ રીતે મલ્ટી લેવલ પાર્કિંગ બનાવી પ્રજાના 330 કરોડ રૂપિયાનો ધુમાડો કર્યો છે.
એએમસીએ મલ્ટી-લેવલ પાર્કિંગ પ્રોજેક્ટ્સને લઈને ગુરુવારે વિપક્ષની ટીકાઓનો સામનો કરવો પડ્યો હતો . અમદાવાદ મ્યુનિસિપલ કોર્પોરેશન ( એએમસી ) માં વિરોધ પક્ષના નેતા, શહેઝાદ ખાન પઠાણે છેલ્લા એક દાયકામાં આવા સાત પાર્કિંગ લોટ પર રૂ. 330.36 કરોડના નકામા ખર્ચનો આક્ષેપ કર્યો હતો, જેનો કાં તો ઉપયોગ ઓછો થયો છે અથવા જાહેર જનતા માટે બંધ છે.
બે પાર્કિંગ સુવિધાઓ, રૂ. 93 કરોડની પ્રહલાદનગર સુવિધા અને રૂ. 97 કરોડની સિંધુ ભવન સુવિધા, તૈયાર છે પરંતુ તેનું ઉદ્ઘાટન કરવાનું બાકી છે. પઠાણે કાંકરિયા અને નવરંગપુરા ખાતે હાલની સુવિધાઓના ઓછા ઉપયોગ અંગેની વધુ ચિંતાઓ પણ ઉઠાવી હતી. તેમણે સવાલ ઉઠાવ્યો હતો કે એએમસી જનસુવિધાના બદલે આવા ધોળા હાથી બને તેવા પ્રોજેક્ટો જ કેમ પસંદ કરે છે. આ તો રીતસર પ્રજાના રૂપિયાની બરબાદી છે. આટલા રૂપિયામાં પ્રજાને સારા રસ્તા આપી શકાય હોત, સારી આરોગ્ય સગવડો આપી શકાઈ હોત. અમદાવાદના સ્મશાનગૃહોની હાલત સુધારી શકાઈ હોત. લાગે છે કે મ્યુનિસિપાલિટીને પ્રજાની સેવામાં રસ ઓછો, પરંતુ કૌભાંડ દેખાય ત્યાં જ કામ કરવામાં રસ વધારે લાગે છે. કૌભાંડ ન થવાનું હોય તો એએમસી એક ડગલું પણ ભરતી નથી. પ્રજાની સેવાની ભાવના સંભવતઃ છેલ્લે આવે છે. લોકો પાસે સ્માર્ટ મીટર નંખાવવામાં બળજબરી કરવા પર ઉતરી આવનારા આ નિગમો કરોડો રૂપિયાના આ પ્રકારના ખોટા ખર્ચા કરે છે તો તેમના પેટનું પાણી પણ હલતું નથી. આના બદલે જો લોકોપયોગી કામ હોત તો એએમસીએ સીધુ બજેટનું બ્હાનું રજૂ કરી દીધું હોત.
આ પણ વાંચો: અમદાવાદમાં આજે પણ રેડ એલર્ટ, 20 જીલ્લાઓમાં ગરમીનું ઓરેન્જ એલર્ટ
આ પણ વાંચો: ગુજરાત યુનિ.માં આ વખતે પ્રવેશ વખતે થશે ધાંધિયા, વિદ્યાર્થીઓ હેરાનગતિની તૈયારી રાખે
આ પણ વાંચો: ફાર્મસીમાં રજિસ્ટ્રેશનની છેલ્લી તારીખ 20 જુન સુધી લંબાવાઈ
આ પણ વાંચો: ધોમધખતા તાપની અસર બ્લડ બેન્કો પર પણ વર્તાઈ, લોહીનો પુરવઠો ‘સૂકાયો’
