એન્ફોર્સમેન્ટ ડિરેક્ટોરેટરે આઈસીઆઈસીઆઈ બેંકના પૂર્વ એમડી અને સીઈઓ ચંદા કોચર અને તેના પરિવારની સંપત્તિ કબજે કરી છે. કુલ 78 કરોડની જંગમ સ્થાવર મિલકત જપ્ત કરવામાં આવી છે. કબજે લેવામાં આવેલી આ સંપત્તિમાં મુંબઈમાં એક ફ્લેટ અને ચંદાના પતિની કંપનીની મિલકત શામેલ છે.
ઉલ્લેખનીય છે કે ઇડીએ ગયા વર્ષે વીડિયોકોન ગ્રુપના ચંદા કોચર, તેના પરિવાર અને વેણુગોપાલ ધૂતના મુંબઇ અને ઔરંગાબાદનાં ઠેકાણાઓ પર દરોડા પાડ્યા હતા. પીએમએલએ ગુના હેઠળ આઈડીઆઈસીઆઈ બેંકે વીડિયોકોન ગ્રુપને રૂ. 1,875 કરોડની લોન મંજુર કરવાના મામલામાં ચંદા કોચર, તેના પતિ દીપક કોચર, ધૂત અને અન્ય સામે કથિત અનિયમિતતા અને ભ્રષ્ટાચારની તપાસ આ વર્ષના પ્રારંભમાં એન્ફોર્સમેન્ટ ડિરેક્ટોરેટે કરી હતી. અને કેસ નોંધ્યો હતો. એન્ફોર્સમેન્ટ ડિરેક્ટોરેટે સીબીઆઈની એફઆઈઆર (એફઆઈઆર) ના આધારે કાર્યવાહી કરી હતી.
આ કેસમાં સીબીઆઈએ આ ત્રણેય અને ધૂતની કંપનીઓ- વીડિયોકોન ઇન્ટરનેશનલ ઇલેક્ટ્રોનિક્સ લિમિટેડ (વીઆઇએલ) અને વીડિયોકોન ઇન્ડસ્ટ્રીઝ લિમિટેડ (વીઆઈએલ) સામે કેસ નોંધ્યો હતો. સીબીઆઈ એફઆઈઆરમાં સુપ્રીમ એનર્જી અને દિપક કોચર દ્વારા નિયંત્રિત ન્યુ પાવર રિન્યુએબલ્સનું નામ પણ છે. સુપ્રીમ એનર્જીની સ્થાપના ધૂત દ્વારા કરવામાં આવી હતી. કેન્દ્રીય તપાસ એજન્સીએ તમામ આરોપીઓ સામે ગુનાહિત કાવતરું, છેતરપિંડી અને ભ્રષ્ટાચાર નિવારણ અધિનિયમની કલમો હેઠળ કેસ નોંધ્યો છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
