મુંબઈ,
આયુષ્માન ખુરાનાની ફિલ્મ ‘ડ્રીમ ગર્લ’ આજકાલ પ્રેક્ષકોમાં ચર્ચામાં છે. ફિલ્મનું ટ્રેલર રિલીઝ થયું ત્યારથી જ ચાહકો આયુષ્માન ખુરાનાના વખાણ કરતાં થાકતા નથી. જેમ જેમ ફિલ્મની રિલીઝ નજીક આવી રહી છે તેમ તેમ લોકોમાં પણ ઉત્સુકતા વધી રહી છે.
આ ફિલ્મનું જોર-શોરથી પ્રમોશન પણ કરવામાં આવી રહ્યું છે. આ બધાની વચ્ચે ફિલ્મ માટે એક ખરાબ સમાચાર પણ સામે આવી રહ્યા છે. ડિરેક્ટર જનક તોપરાણીએ આક્ષેપ કર્યો છે કે ડ્રીમ ગર્લ તેમની ફિલ્મની નકલ છે.
એક વેસાઇડના અહેવાલ મુજબ – ડ્રીમ ગર્લ તેમની 2017 માં આવેલી ફિલ્મ ‘કોલ ફોર રન’ની રિમેક છે. આ ફિલ્મમાં પણ મુખ્ય પાત્રએ મહિલાનું રૂપ ધારણ કર્યું હતું. તેમણે કહ્યું કે તેઓ આ સ્ક્રિપ્ટ સાથે બે વાર બાલાજીની ઓફિસ ગયા હતા પરંતુ તે બંને વખત નકારી કાઢ્યા હતા.
ગયા વર્ષે તેને ફાઇનાન્સર મળ્યો, ત્યારબાદ તેણે ફિલ્મ બનાવવાનું નક્કી કર્યું. આ દરમિયાન તેમણે જણાવ્યું હતું કે તેમની ચર્ચા પ્રોડક્શન હાઉસ સાથે છે અને એકતા કપૂર તેનો ભાગ નથી. ઘણા માનન્તો પછી પણ તેઓ બાલાજીના CEO નચિકેત પંતવૈદ્યને મળી શક્યા નહીં.
જનક તોપરાણીએ કહ્યું કે, જો ડ્રીમ ગર્લ તેની ફિલ્મ જેવી જ છે, તો તે આ ફિલ્મ પર કાનૂની કેસ કરશે. તેને ફિલ્મમાં લેખકના અધિકારોની પણ જરૂર છે અને લેખક તરીકેની ક્રેડિટ પણ.
આપને જણાવી દઈએ કે દિગ્દર્શક દ્વારા કરવામાં આવતા આ આરોપો અંગે ડ્રીમ ગર્લના ડાયરેક્ટર રાજ શાંડિલ્યનો જવાબ બહાર આવ્યો છે. રાજ શાંડિલ્યએ કહ્યું કે તેમને 2010 થી આ ફિલ્મનો આઈડિયા છે. તેઓએ તેની રજીસ્ટર પણ કરી છે.
ફિલ્મની વાત કરીએ તો રાજ શાંડિલ્ય ડ્રીમ ગર્લથી ડેબ્યૂ કરી રહ્યો છે. આ ફિલ્મનું નિર્માણ એકતા કપૂર, શોભા કપૂર અને આશિષ સિંહે કર્યું છે. આ ફિલ્મ 13 સપ્ટેમ્બર, 2019 ના રોજ રીલિઝ થશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
