સાઉદી અરેબિયાએ આ વર્ષે હજ માટે યાત્રાળુઓને મંજૂરી આપી છે. આ ઉપરાંત કોરોના પ્રતિબંધોને કારણે તેમણે આ વર્ષે ભારત માટે 79,237 યાત્રાળુઓના ક્વોટાને મંજૂરી આપી છે. લઘુમતી બાબતોના અધિકારીઓએ શુક્રવારે કહ્યું કે સાઉદી સરકારે ભારતને એ પણ જાણ કરી છે કે આ વર્ષે માત્ર 65 વર્ષથી ઓછી ઉંમરના લોકોને જ હજ કરવાની મંજૂરી આપવામાં આવશે.
લઘુમતી બાબતોના મંત્રી મુખ્તાર અબ્બાસ નકવીએ કહ્યું કે હજયાત્રીઓ માટે તમામ તૈયારીઓ કરી લેવામાં આવી છે અને હજ ડ્યુટી માટે તૈનાત થનારા અધિકારીઓ અને કર્મચારીઓની મુલાકાત પણ પૂર્ણ થઈ ગઈ છે. અધિકારીઓએ જણાવ્યું કે સાઉદી સરકારે હજ યાત્રા પર આવતા લોકો માટે આરટી-પીસીઆર ટેસ્ટ અને રસીના બે ડોઝ પણ ફરજિયાત બનાવ્યા છે. કોરોના રોગચાળો શરૂ થયા પછી આ પ્રથમ વખત છે જ્યારે ભારતીય હજયાત્રીઓ હજ માટે સાઉદી અરેબિયા જશે.
અધિકારીઓએ જણાવ્યું કે સાઉદી સરકારે ભારત માટે 79,237 યાત્રાળુઓનો ક્વોટા નક્કી કર્યો છે. તેમાંથી 56,601 યાત્રાળુઓ હજ કમિટી ઓફ ઈન્ડિયા દ્વારા જશે જ્યારે 22,636 હજયાત્રીઓ હજ ગ્રુપ આયોજકો દ્વારા જશે. 2019માં સાઉદી અરેબિયાએ ભારતના હજ ક્વોટામાં 25000નો વધારો કર્યો હતો. જેના કારણે દેશમાંથી શ્રદ્ધાળુઓનો ક્વોટા વધીને 2 લાખ થઈ ગયો હતો. કોરોના પ્રતિબંધોને કારણે દેશોનો ક્વોટા ઘટાડી દેવામાં આવ્યો છે. અધિકારીઓનું કહેવું છે કે આ વર્ષે 5000 થી વધુ મહિલાઓ પુરૂષ સાથીઓ વિના હજ પર જશે.
