Gujarat News : ગુજરાત સરકારે વાહનોના ફિટનેસ સર્ટીફિકેટ (RC રિન્યુઅલ) અંગે મોટો નિર્ણય લીધો છે, જે મુજબ 20 વર્ષની મર્યાદા પૂરી કરનારા વાહનોના ફિટનેસ સર્ટીફિકેટ માટે હવે બમણી ફી ચૂકવવી પડશે.
આરટીઓ નિયમ મુજબ, 15 વર્ષની આયુ ધરાવતા વાહનોનું ફિટનેસ ચેકઅપ કરાવ્યા બાદ 5 વર્ષનો પરવાનો મળે છે, જેના માટે હાલમાં ટુ-વ્હીલર ચાલકો રૂપિયા 1,000 અને ફોર-વ્હીલર ચાલકો રૂપિયા 5,000 ફી ચૂકવે છે.
જો કે, હવે 20 વર્ષ બાદ તે જ વાહનના ફિટનેસ સર્ટીફિકેટ માટે ટુ-વ્હીલરને રૂપિયા 2,000 અને ફોર-વ્હીલરને રૂપિયા 10,000ની બમણી રકમ ચૂકવવી પડશે.
