વડોદરા,
વડોદરાની નંદેસરી GIDC ખાતે આવેલી દિપક નાઇટ્રેટ નામની કેમિકલ કંપની પર આવકવેરા વિભાગ દ્વારા દરોડા આવ્યા છે. IT વિભાગ દ્વારા અચાનક જ કરવામાં આવેલી કાર્યવાહીના કારણે કંપનીના સત્તાધીશો તેમજ કર્મચારીઓમાં ફફડાટ ફેલાઈ ગયો હતો.
મળતી માહિતી મુજબ, ઇન્કમટેક્ષ વિભાગ દ્વારા દિપક નાઇટ્રેટ કંપનીની ઓફિસો, માલિકોના નિવાસસ્થાન સહિતની કુલ ૮ જગ્યાઓ પર બુધવારે પર સામુહિક દરોડા પાડવામાં આવ્યા હતા.
બુધવાર સવારથી પોલીસ કાફલા સાથે જ મુંબઈ અને સુરત IT વિભાગની જુદી જુદી ટીમોએ દરોડાની કાર્યવાહી કરી હતી અને ખાસ કરીને છાણી ખાતે આવેલી કંપનીની ઓફિસ ખાતે વ્યાપક સર્ચ ઓપરેશન હાથ ધરાયું હતું.
આ ઉપરાંત દિપક નાઇટ્રેટનાં દેશનાં અન્ય રાજ્યોમાં આવેલ પ્લાન્ટ ખાતે પણ રેઇડ કરાઈ છે.
માનવામાં આવી રહ્યું છે કે, આ રેઇડ દરમિયાન મોટાં પ્રમાણમાં બેનામી હિસાબો બહાર આવવાની શક્યતા સેવાઈ રહી છે.
