Not Set/ હોમગાર્ડના સસ્પેન્ડેડ સિનિયર કમાન્ડન્ટ બ્રિજરાજસિંહ ગોહિલની અંતે ધરપકડ

હોમગાર્ડના સસ્પેન્ડેડ સિનિયર કમાન્ડન્ટ બ્રિજરાજસિંહ ગોહિલ અમદાવાદની ગુજરાત યુનિવર્સિટી પોલીસ દ્વારા ધરપકડ કરવામાં આવી છે.  બ્રિજરાજસિંહ ગોહિલ હોમગાર્ડના પૂર્વ કમાન્ડન્ટ છે અને તેમની સામે અપહરણ સહિતના ગુનાઓમાં સંડોવણી સબબ ફરિયાદ નોંધવામાં આવી હતી. ગુજરાત યુનિવર્સિટી પોલીસ દ્વારા આ ગુના સબબ પ્રાથમિક તપાસનાં અંતે બ્રિજરાજસિંહની ઘરપકડ કરવમાં આવી છે. આપને જણાવી દઇએ કે, થોડો સમય પૂર્વે […]

Ahmedabad Top Stories Gujarat
brijrajsinh gohil 1 હોમગાર્ડના સસ્પેન્ડેડ સિનિયર કમાન્ડન્ટ બ્રિજરાજસિંહ ગોહિલની અંતે ધરપકડ
હોમગાર્ડના સસ્પેન્ડેડ સિનિયર કમાન્ડન્ટ બ્રિજરાજસિંહ ગોહિલ અમદાવાદની ગુજરાત યુનિવર્સિટી પોલીસ દ્વારા ધરપકડ કરવામાં આવી છે.  બ્રિજરાજસિંહ ગોહિલ હોમગાર્ડના પૂર્વ કમાન્ડન્ટ છે અને તેમની સામે અપહરણ સહિતના ગુનાઓમાં સંડોવણી સબબ ફરિયાદ નોંધવામાં આવી હતી. ગુજરાત યુનિવર્સિટી પોલીસ દ્વારા આ ગુના સબબ પ્રાથમિક તપાસનાં અંતે બ્રિજરાજસિંહની ઘરપકડ કરવમાં આવી છે.

આપને જણાવી દઇએ કે, થોડો સમય પૂર્વે જ બ્રિજરાજસિંહની હોમગાર્ડનાં સિનિયર કમાન્ડન્ટ પદ્દ પરથી હકાલપટ્ટી કરવામાં આવી હતી. ઑફિસ ઑફ ડાયરેક્ટર જનરલ સિવિલ ડિફેન્સ અને હૉમગાર્ડ વિભાગે તેમની હકાલપટ્ટી કરી હતી. બ્રિજરાજસિંહ ગોહિલ સામે પૈસાની લેતીદેતી અને અપહરણની ફરિયાદ થઈ છેે. આ બાબતે તેમણે વિભાગને યોગ્ય ખુલાસો ન કરતા તેમને બરતરફ કરાયા હતા.

બ્રિજરાજસિંહ ગોહિલ સામે યુનિવર્સિટી પોલીસ સ્ટેશન ખાતે 21 સપ્ટેમ્બરના રોજ રોજ જીતેન્દ્ર પટેલ નામના વ્યક્તિએ અપહરણની ફરિયાદ નોંધવી હતી. જે મામલે વિભાગ દ્વારા હૉમગાર્ડ કમાન્ડન્ટ અમદાવાદ શહેર પશ્ચિમ દ્વારા તપાસ હાથ ધરવામાં આવી હતી. કમાન્ડન્ટના રિપોર્ટમાં બ્રિજરાજસિંહ ગોહિલના વ્યવહારને કારણે હૉમગાર્ડની પ્રતિષ્ઠાને નુકશાન પહોંચ્યું હોવાનો ઉલ્લેખ કરી તેમને બરતરફ કરવામાં આવ્યાં છે. આ મામલે વિભાગ તરફતી બ્રિજરાજસિંહ ગોહિલને યોગ્ય ખુલાસો કરવા નોટિસ આપવામાં આવી હતી.

હોમગાર્ડના સસ્પેન્ડેડ સિનિયર કમાન્ડન્ટ બ્રિજરાજસિંહ ગોહિલે, જીતેન્દ્ર પટેલ નામના યુવકને કારમાં બેસાડી નેહરુનગર થઈ સાણંદ હાઈવે પર લઈ ગયા હતા. એક તબક્કે ગોહિલે તેમની રિવૉલ્વર કારના ડૅશબૉર્ડ પર મૂકી દીધી હતી. જીતેન્દ્રના ફોન પર ઑફિસના કર્મીનો ફોન આવે તો ઑફિસે પરત આવતાં 4 દિવસ લાગશે તેમ કહી દેવા જણાવ્યું અને ફોન તોડવાનો પ્રયાસ કર્યો હતો. ઉપરાંત ગોહિલે સાણંદ પહોંચ્યા બાદ જીતેન્દ્રને કહ્યું હતું કે તારા શેઠ અશ્વિનસિંહ સરવૈયા પાસેથી પૈસા લેવાના છે. થોડીવાર બાદ તેઓ કારમાં જીતેન્દ્રને આંબાવાડી સર્કલ ઉતારી ગયા હતા અને આ બાબતે કોઈને જાણ કરીશ તો જાનથી મારી નાખવાની ધમકી પણ આપી હતી.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ ની નવી મોબાઇલ એપ્લિકેશન.