ભારતે બુધવારે નવો ઈતિહાસ રચ્યો હતો. પ્રથમ વખત કોઈ દેશ તેના વાહનને ચંદ્રના દક્ષિણ ધ્રુવ પર સફળતાપૂર્વક લેન્ડ કરવામાં સફળ રહ્યો. અવકાશ ક્ષેત્રમાં નવો ઈતિહાસ રચતા ભારતીય અવકાશ સંશોધન સંસ્થા (ISRO) એ બુધવારે ચંદ્રના દક્ષિણ ધ્રુવ પર લેન્ડર ‘વિક્રમ’ અને રોવર ‘પ્રજ્ઞાન’થી સજ્જ LMનું સફળતાપૂર્વક સોફ્ટ-લેન્ડિંગ કર્યું. ભારતીય સમય અનુસાર, તે લગભગ સાંજે 6.04 કલાકે ચંદ્રની સપાટીને સ્પર્શ્યું.
ચંદ્ર પર ઉતર્યા બાદ ચંદ્રયાન-3 એ પૃથ્વી પર ભારતને સંદેશ મોકલ્યો છે. ISRO એ સાંજે 6.04 વાગ્યે X (Twitter) પર એક પોસ્ટ દ્વારા ભારતને અભિનંદન પાઠવ્યા. આ સમયે જ ચંદ્રયાન-3 ચંદ્રની સપાટીને સ્પર્શ્યું. પોસ્ટમાં ઈસરોએ મિશનની સફળતા માટે દેશના લોકોને અભિનંદન પાઠવ્યા છે. ચંદ્રયાન-3નો સંદેશ આપતા ઈસરોએ લખ્યું, “ભારત, હું મારા ગંતવ્ય પર પહોંચી ગયો છું અને તમે પણ! ચંદ્રયાન-3 સફળ. ચંદ્ર પર સોફ્ટ લેન્ડિંગ! અભિનંદન, ભારત!” જણાવીએ કે, ભારત હવે દક્ષિણ ધ્રુવની નજીક ઉતરનાર પ્રથમ દેશ બની ગયો છે.
આ સમાચાર લખ્યા સુધી (50 મિનિટની અંદર) ચંદ્રયાન-3ના આ સંદેશને બે લાખથી વધુ વખત રીટ્વીટ કરવામાં આવ્યો છે. તેને લગભગ 5 લાખ લાઈક્સ પણ મળી છે. જો કે, આ પહેલીવાર નથી કે જ્યારે ચંદ્રયાન-3એ પોતાના સંદેશાઓથી લોકોના દિલ જીત્યા હોય. આ પહેલા પણ ચંદ્રયાન-3 દેશને તેના દરેક સ્ટોપ વિશે જણાવતું રહ્યું છે.
ભારત ચંદ્રના દક્ષિણ ધ્રુવ પર સોફ્ટ-લેન્ડ કરનાર વિશ્વનો પ્રથમ દેશ બન્યો છે અને ચંદ્રની સપાટી પર સોફ્ટ-લેન્ડિંગ કરનારા ચાર દેશોમાં જોડાયો છે. ISROના મહત્વાકાંક્ષી ત્રીજા ચંદ્ર મિશન “ચંદ્રયાન-3” ના લેન્ડર મોડ્યુલ (LM) એ બુધવારે સાંજે ચંદ્રની સપાટીને ચુંબન કરીને અવકાશ વિજ્ઞાનમાં સફળતાનો નવો અધ્યાય રચ્યો હતો. વૈજ્ઞાનિકોના જણાવ્યા અનુસાર આ અભિયાનના છેલ્લા તબક્કામાં તમામ પ્રક્રિયાઓ પૂર્વનિર્ધારિત યોજનાઓ અનુસાર યોગ્ય રીતે ચાલી હતી.
આ એક એવી સફળતા છે કે ઈસરોના ટોચના વૈજ્ઞાનિકો જ નહીં પરંતુ ભારતનો દરેક સામાન્ય અને ખાસ વ્યક્તિ ટીવી સ્ક્રીન પર પોતાની નજર સ્થિર રાખીને જોઈ રહ્યો હતો. લેન્ડર ‘વિક્રમ’ અને રોવર ‘પ્રજ્ઞાન’ને વહન કરતા LM બુધવારે સાંજે 6.04 વાગ્યે ચંદ્રના દક્ષિણ ધ્રુવ પર સોફ્ટ લેન્ડિંગ કર્યું હતું. આ એક એવી સિદ્ધિ છે, જે અત્યાર સુધી કોઈ દેશ હાંસલ કરી શક્યો નથી. ઈસરોના અધિકારીઓના જણાવ્યા અનુસાર, લેન્ડિંગ માટે લગભગ 30 કિલોમીટરની ઉંચાઈ પર, લેન્ડર “પાવર બ્રેકિંગ તબક્કા” માં પ્રવેશ કરે છે અને ધીમે ધીમે ગતિ ઘટાડે છે, ચંદ્રની સપાટી પર પહોંચવા માટે તેના ચાર થ્રસ્ટર એન્જિનના ‘રેટ્રો ફાયરિંગ’નો ઉપયોગ કરવાનું શરૂ કરે છે.
આ પણ વાંચો:ચંદ્રયાન-3ના સફળ લેન્ડિંગ પર આવ્યું ISRO ચીફનું નિવેદન, કહ્યું- ભારત હવે ચંદ્ર પર છે
આ પણ વાંચો: ભારતે રચ્યો ઈતિહાસ, વિશ્વ વિજય તિરંગા પ્યારા ઝંડા ઊંચા રહે હમારા
આ પણ વાંચો:દેશના આ જિલ્લાની જમીન સાથે ચંદ્રનું કનેક્શન, અહીંની માટીમાં છુપાયેલું છે ચંદ્રયાન 3ની સફળતાનું રહસ્ય
આ પણ વાંચો:ચંદ્રયાન 3 નો પીછો કરી રહ્યું છે જાપાન! 3 દિવસ પછી ચંદ્ર પર મોકલશે સ્માર્ટ લેન્ડર
આ પણ વાંચો:ચંદ્રયાનના લેન્ડરનું નામ વિક્રમ અને રોવરનું નામ પ્રજ્ઞાન કેવી રીતે પડ્યું? ખૂબ જ રસપ્રદ છે વાર્તા
