Forest Guard-Bitguard: રાજ્ય સરકારે વાર્ષિક ભરતી કેલેન્ડર તૈયાર કરી લીધું છે અને આ ભરતી તબક્કાવાર કરવામાં આવી રહી છે, જે અંતર્ગત રાજ્ય સરકારે મહત્વનો નિર્ણય લીધો છે. રાજ્ય વન વિભાગની માલિકીની વર્ગ-3 ફોરેસ્ટ ગાર્ડ (બીટગાર્ડ)ની 823 જગ્યાઓ સીધી ભરતી દ્વારા ભરવા મીડિયાને માહિતી આપતા વન મંત્રી કિરીટસિંહ રાણા અને રાજ્યના વન મંત્રી જગદીશ વિશ્વકર્માએ જણાવ્યું હતું કે, રાજ્યના યુવાનોને સરકારના મહત્તમ લાભો મળે તે હેતુથી મુખ્યમંત્રી ભૂપેન્દ્ર પટેલના માર્ગદર્શન હેઠળ આ મહત્વનો નિર્ણય લેવામાં આવ્યો છે.
જગદીશ વિશ્વકર્માએ જણાવ્યું હતું કે, વન વિભાગના ફોરેસ્ટ ગાર્ડ (બીટગાર્ડ) વર્ગ-3ની કુલ 823 જગ્યાઓ સીધી ભરતી દ્વારા ભરવામાં આવશે. આ ભરતી પ્રક્રિયા સંબંધિત જાહેરાત ટૂંક સમયમાં અખબારમાં પ્રકાશિત કરવામાં આવશે. જેમાં ઓનલાઈન ફોર્મ જમા કરાવવાની પ્રક્રિયા 1/11/2002 થી 15/11/2022 સુધી રહેશે. આ ભરતી પ્રક્રિયા દરમિયાન ઉમેદવારોનો કિંમતી સમય બચાવવા માટે તેમના હિતમાં ફી ચૂકવવા માટે ઇ-પે સિસ્ટમ લાગુ કરવામાં આવશે. તેથી ઉમેદવારો તેમના ઘરેથી ફી ભરી શકે છે અથવા નજીકની પોસ્ટ ઓફિસની મુલાકાત લઈને ફી ચૂકવી શકે છે. ફોર્મની ચકાસણી બાદ, માન્ય ફોર્મની સંખ્યા અનુસાર પરીક્ષા કેન્દ્રો વગેરેની ઉપલબ્ધતાને ધ્યાનમાં રાખીને, સમગ્ર પ્રક્રિયા શક્ય તેટલી વહેલી તકે પૂર્ણ કરવામાં આવશે. આ પરીક્ષા માટે લાયકાત ધરાવતા ઉમેદવારોને તેમના જરૂરી પ્રમાણપત્રો અપડેટ કરાવવા વિનંતી કરવામાં આવે છે જેથી ફોર્મ ભરવામાં કોઈ મુશ્કેલી ન પડે.
તેમણે જણાવ્યું હતું કે, રાજ્ય સરકારે યુવાનોના હિતમાં ઝડપી નિર્ણય લીધો છે અને અગાઉ વહીવટી કારણોસર મોકૂફ રાખવામાં આવેલી ભરતી પરીક્ષા પૂર્ણ કરી નવસારની ખાલી પડેલી જગ્યાઓ સંદર્ભે નવેસરથી ભરતી પ્રક્રિયા હાથ ધરવાનો નિર્ણય લેવાયો છે. બીટગાર્ડ એ જંગલ અને વન્યજીવોના સંરક્ષણ અને સંવર્ધન માટે ખૂબ જ મૂળભૂત હોદ્દો છે. સરકારને વિશ્વાસ છે કે આવા બીટગાર્ડ રાખવાથી જંગલો, વન્યજીવોના સંરક્ષણ અને સંવર્ધન અને જંગલોની આસપાસ રહેતા આદિવાસીઓના ઉત્થાનમાં મદદ મળશે.
અત્રે ઉલ્લેખનીય છે કે, અગાઉ વનરક્ષકની કુલ-૩૩૪ જગ્યાઓની પરીક્ષા લઈ સીધી ભરતી કરવા બાબતે જાહેરાત કરવામાં આવી હતી. જેમાં આ 334 જગ્યાઓની ભરતી અંગેની પ્રક્રિયા સત્વરે પૂર્ણ કરી, ખાલી પડેલી બીટગાર્ડ, વર્ગ-3ની ભરતી અંગેની નવી ભરતી પ્રક્રિયા પણ તરત જ હાથ ધરવાનો નિર્ણય કરાયો હતો. જે અનુસાર પરીક્ષા શારીરિક ક્ષમતા કસોટી પૂર્ણ કરાઈ છે. આ 334 જગ્યાઓમાંથી સફળ ઉમેદવારો-283 જેમાં 48 જગ્યાઓ ખાલી રહી છે જેમાં નવી 775 જગ્યાઓ ઉપરાંત બાકી રહેલ 48 એમ મળી કુલ–823 જગ્યાઓની નવી ભરતી પ્રક્રિયા હાથ ધરવાનો નિર્ણય કરાયો છે.
આ પણ વાંચો: રાજકીય / ગુજરાતમાં કોણ બનાવશે સરકાર ? : ચૂંટણી રણનીતિકાર પ્રશાંત કિશોરની આગાહી
