બે અઠવાડિયા પહેલા મુંબઈ અને ગુજરાતના ભાગોમાં અસામાન્ય રીતે ગરમી પછી, હવે ઉત્તર અને મધ્ય પ્રદેશો માટે આકરી ગરમીનો સામનો કરવાનો સમય આવી ગયો છે. હવામાન વિભાગે આગામી ચારથી પાંચ દિવસમાં ઉત્તર પશ્ચિમ, મધ્ય અને પશ્ચિમ ભારતમાં હીટ વેવની સ્થિતિની આગાહી કરી છે. ઈન્ડિયા મીટીરોલોજીકલ સેન્ટર દ્વારા રવિવારના હવામાન બુલેટિનમાં જણાવવામાં આવ્યું છે કે આગામી ત્રણ દિવસ દરમિયાન પશ્ચિમ હિમાલયન ક્ષેત્ર અને ગુજરાતમાં અલગ-અલગ સ્થળોએ હીટવેવની સ્થિતિ “ખૂબ જ સંભવ છે”. જ્યારે રાજસ્થાન, દક્ષિણ પંજાબ, દક્ષિણ હરિયાણા, બિહાર, ઝારખંડ, ઉત્તર મધ્ય મહારાષ્ટ્ર અને મરાઠવાડામાં 29 થી 31 માર્ચ દરમિયાન ગરમીનું મોજું રહેવાની શક્યતા છે.
હવામાન વિભાગની આગાહી
હવામાન વિભાગે જણાવ્યું હતું કે સક્રિય પશ્ચિમી વિક્ષેપ અથવા પૂર્વીય પવનોની ગેરહાજરીને કારણે હીટવેવની સ્થિતિ એટલે કે હીટ વેવ ચાલુ રહેશે. છેલ્લા 24 કલાકમાં વિદર્ભ અને મરાઠવાડા, પશ્ચિમ રાજસ્થાનના ભાગો, ગુજરાત તેમજ પશ્ચિમ મધ્યપ્રદેશમાં મહત્તમ તાપમાન 40 થી 41 ડિગ્રી સેલ્સિયસ નોંધાયું છે. દેશના અન્ય ભાગોમાં, ખાસ કરીને ઉત્તર અને હિમાલયના પ્રદેશોમાં, મહત્તમ તાપમાન સામાન્ય કરતા ચારથી છ ડિગ્રી વધુ રહ્યું છે.
IMD એ ટ્વિટ કર્યું: “3 દિવસ દરમિયાન પશ્ચિમ હિમાલયન ક્ષેત્ર અને ગુજરાત રાજ્યમાં આગળ-આગળ ભગમાં 4-5 દિવસ દરમિયાન પશ્ચિમ એમપી, વિદર્ભ અને રાજસ્થાન; અને 29-31 માર્ચ દરમિયાન, દક્ષિણ પંજાબ, દક્ષિણ હરિયાણા, બિહાર, ઝારખંડ, ઉત્તર મધ્ય મહારાષ્ટ્ર અને મરાઠવાડામાં ગરમીના મોજાની સંભાવના છે.
રાજસ્થાનમાં સ્થિતિ
હવામાન વિભાગના જણાવ્યા અનુસાર, “આગામી ચાર દિવસમાં, પશ્ચિમ રાજસ્થાનમાં તીવ્ર હીટવેવની સ્થિતિનો અનુભવ થવાની સંભાવના છે જેમાં મહત્તમ તાપમાન સામાન્ય કરતાં 6.4 ડિગ્રી અને દિવસનું તાપમાન 40 ડિગ્રી સેલ્સિયસ સુધી પહોંચે છે. 31 માર્ચે તેની તીવ્રતા થોડી ઓછી થશે.” રાજસ્થાનનો બાંસવાડા જિલ્લો પહેલેથી જ 42.1 ડિગ્રી સેલ્સિયસના મહત્તમ તાપમાન સાથે હીટ વેવની સ્થિતિ સામે લડી રહ્યો છે.
આ રાજ્યોમાં વરસશે વાદળ હવામાન વિભાગના જણાવ્યા અનુસાર પૂર્વોત્તર ભારતમાં હળવા વરસાદની સંભાવના વ્યક્ત કરવામાં આવી છે. વળી, આવતા 24 કલાક દરમિયાન પૂર્વોત્તર ભારતના ઘણા ભાગોમાં હળવાથી મધ્યમ અને અલગ-અલગ જગ્યાએ તેજ વરસાદની સંભાવના વ્યક્ત કરવામાં આવી છે. આ ઉપરાંત કર્ણાટક, કેરળના અમુક ભાગો સાથે તમિલનાડુના અમુક વિસ્તારમાં છૂટોછવાયો વરસાદ જોવા મળી શકે છે. હવામાન વિભાગ મુજબ ઉત્તર અને મધ્ય ભારતના લોકોને ગરમીથી હજુ રાહત નહિ મળે. ગુજરાત, ઉત્તર પ્રદેશ, બિહાર, ઝારખંડ, ઓરિસ્સા, પશ્ચિમ બંગાળ, પંજાબ, હરિયાણા, દિલ્લી, રાજસ્થાન, મહારાષ્ટ્ર સહિત દક્ષિણ ભારતમાં ગરમી કહેર વરસાવશે.
આ પણ વાંચો :બીરભૂમ હિંસા પર મમતા બેનર્જીએ કહ્યું, કેટલાક લોકોની ભૂલો માટે પોલીસને બદનામ ન કરો
આ પણ વાંચો : દેશમાં કોરોનાના કેસમાં ઘટાડો યથાવત,આજે કોરોનાના નવા 1270 કેસ
આ પણ વાંચો : આજથી ટ્રેડ યુનિયનની બે દિવસની દેશવ્યાપી હડતાળ,આ સેવાઓ પ્રભાવિત થશે,જાણો
