દિલ્હી કેપિટલનાં મુખ્ય ફાસ્ટ બોલર ઇશાંત શર્મા આઈપીએલ 2020 માં તેની કિંગ્સ ઇલેવન પંજાબ સામેની પ્રથમ મેચ પહેલા ઈજાગ્રસ્ત થઇ ગયો છે. મળી રહેલી માહિતી અનુસાર, ઇશાંત શર્મા તાલીમ સત્ર દરમિયાન ઇજાગ્રસ્ત થયો હતો. જો ઇશાંતની ઈજા સતત રહે છે તો તે લાંબા સમય સુધી ટીમની બહાર રહી શકે છે.
તાલીમ સત્ર દરમિયાન 32 વર્ષીય ઇશાંતને તેની પીઠનાં ભાગે ઇજા પહોંચી હતી. હાલનાં સમયમાં તેની ઇજાઓનો ઇતિહાસ રહ્યો છે. આ વર્ષે જાન્યુઆરીમાં, ઇશાંતને પગની ઘૂંટીમાં ઈજા થવાને કારણે બહાર રાખવામાં આવ્યો હતો. તે એક મહિના પછી ન્યૂઝીલેન્ડ સામે ટેસ્ટ રમવા પાછો ફર્યો, પરંતુ પગની ઘૂંટીમાં ઇજા પછી, આઈપીએલનાં શરૂઆતનાં તબક્કા માટે ખેલાડી વિશે કહેવાતુ હતુ કે તે શંકાસ્પદ છે.
પગની ઘૂંટીમાં ઈજા બાદ, ઇશાંત એનસીએ ખાતે વિસ્તૃત પુનર્વસન પ્રક્રિયામાંથી પસાર થયો હતો. ઇશાંતની ગેરહાજરીમાં, દિલ્હી કેપિટલ્સની પાસે હર્ષલ પટેલ, મોહિત શર્મા અને અવેશ ખાન જેવા ઘણા વિકલ્પો છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
