લિથુનિયા : લિથુનિયામાં ચાઇનામાં બનેલા મોબાઇલ ફોનને દેશમાંથી દુર કરવાની તૈયારીઓ ચાલી રહી છે. અહીંના સંરક્ષણ મંત્રાલયે ભલામણ કરી છે કે ગ્રાહકો ચાઇનીઝ મોબાઇલ ફોન ખરીદવાનું ટાળે અને જો તેમની પાસે ચાઇનીઝ ફોન હોય તો તેમણે ફેંકી દેવા જોઇએ.
ફરી એક વખત મેડ ઇન ચાઇના સ્માર્ટફોન વિરુદ્ધ ચર્ચાનું બજાર ગરમ છે. લિથુનિયાની સરકારે તેના નાગરિકોને ચાઇનીઝ સ્માર્ટફોન ફેંકી દેવા કહ્યું છે. એટલું જ નહીં, સરકાર તરફથી એવું પણ કહેવામાં આવ્યું છે કે ભવિષ્યમાં ચાઇનીઝ ફોન ન ખરીદો.
ખરેખર, એક સરકારી અહેવાલ જણાવે છે કે ચાઇનીઝ ફોન અને ઉપકરણો દ્વારા સેન્સરશીપનું જોખમ છે. લિથુનિયા નું સંરક્ષણ મંત્રાલય ભલામણ કરે છે કે ગ્રાહકો ચાઇનીઝ મોબાઇલ ફોન ખરીદવાનું ટાળે અને જો તેમની પાસે ચાઇનીઝ ફોન હોય તો ફેંકી દો. તમને જણાવી દઈએ કે ચીન પર ભૂતકાળમાં પણ સેન્સરશીપનો આરોપ લાગ્યો છે.
ચાઇનીઝ ફોન દેશની આંતરિક સુરક્ષા માટે ખતરો છે
દેશની સાયબર સિક્યુરિટી બોડીએ કહ્યું કે ચીનની સ્માર્ટફોન જાયન્ટ શાઓમી કોર્પે યુરોપમાં વેચાતા ફ્લેગશિપ ફોનમાં ‘ફ્રી તિબેટ’, ‘લોંગ લાઈવ તાઈવાન ઈન્ડિપેન્ડન્સ’ અને ‘ડેમોક્રેસી મુવમેન્ટ’ જેવા શબ્દોમાં ડિટેક્શન અને સેન્સરિંગ ચિપ્સ ઉમેરી છે. સંરક્ષણ મંત્રાલયના નેશનલ સાયબર સિક્યુરિટી સેન્ટરે રિપોર્ટમાં જણાવ્યું હતું કે, Xiaomi ના Mi 10T 5G ફોન સોફ્ટવેરની ક્ષમતા યુરોપિયન યુનિયન પ્રદેશ માટે બંધ કરી દેવામાં આવી હતી, પરંતુ તેને ગમે ત્યારે ચાલુ કરી શકાય છે. સંરક્ષણ નાયબ મંત્રી માર્ગિરિસ અબુકાવિસિયસે કહ્યું, “અમારી ભલામણ છે કે લોકો નવા ચાઇનીઝ ફોન ન ખરીદે અને પહેલેથી જ ખરીદેલા ફોનથી છૂટકારો મેળવે.”
Auto / MG Hector નું સસ્તું વેરિએન્ટ થશે બંધ, કેમેરા-ટચસ્ક્રીન જેવી સુવિધાઓ હતી ઉપલબ્ધ
BSNLએ Jioને આપી માત / વર્ષભર ચાલતો પ્લાન Jio કરતા વધુ શક્તિશાળી છે, કિંમતમાં પણ છે કિફાયતી
Technology / એક ક્લિકમાં ફોનમાંથી તમામ ડુપ્લિકેટ કોન્ટેક્ટ નંબરને આ રીતે દૂર કરો
