ભારતીય હવામાન વિભાગ દ્વારા આપવામાં આવેલી માહિતી અનુસાર, દક્ષિણ પશ્ચિમ ચોમાસાના પવનના પ્રભાવને કારણે આગામી પાંચ દિવસમાં પશ્ચિમ બંગાળ અને સિક્કિમમાં ભારે વરસાદ થવાનો અંદાજ છે.
હવામાન વિભાગ તરફથી કહેવામાં આવ્યું છે કે, દાર્જિલિંગ, કાલિમપોંગ, જલપાઈગુડી, કૂચ બિહાર અને અલીપુરદ્વાર અને સિક્કિમના ઉપ-હિમાલયના જિલ્લાઓમાં પણ ભારે વરસાદ થઈ શકે છે. હવામાન વિભાગના જણાવ્યા અનુસાર બંગાળની ખાડીમાંથી દક્ષિણ અને દક્ષિણ પશ્ચિમી પવનના પ્રભાવ હેઠળ વરસાદની સંભાવના છે.
વરસાદના કારણે નીચાણવાળા વિસ્તારોમાં પાણી ભરાયા છે
ઉત્તર પશ્ચિમ બંગાળના જલપાઈગુડી જિલ્લાના નેઓરામાં મંગળવારે સવારે 8.30 વાગ્યા સુધીના 24 કલાકમાં સૌથી વધુ 280 મીમી વરસાદ નોંધાયો હતો, જ્યારે મૂર્તિમાં 210 મીમી અને નાગરકાટામાં 200 મીમી વરસાદ નોંધાયો હતો. ચાપડાંગા અને રાજદંગામાં પ્રવેશતા તિસ્તા અને ચેલ નદીઓનું પાણી ક્રાંતિ બ્લોકના ઘણા વિસ્તારોમાં પાણી ભરાઈ ગયું છે. આ વિસ્તારનો હાઈવે પણ પાણીમાં ગરકાવ થઈ ગયો હતો.
સિલીગુડીમાં અનેક જગ્યાએ પાણી ભરાયા છે
અધિકારીઓએ અવિરત વરસાદ વચ્ચે જિલ્લાના માલ સબ-ડિવિઝનમાં નીચાણવાળા વિસ્તારોમાં રહેતા લોકોને અન્ય સ્થળે જવા માટે અપીલ કરી છે. છેલ્લા કેટલાક દિવસોમાં ભારે વરસાદ બાદ સિલીગુડીના ઘણા વિસ્તારો પણ પાણીમાં ડૂબી ગયા છે. પશ્ચિમ સિક્કિમ જિલ્લાના સોરેંગ અને યુકસોમમાં સોમવારે સવારથી 120 મીમી વરસાદ નોંધાયો છે.
આ પણ વાંચો: ભારતમાં કોવિડ-19 કેસમાં 23.4 ટકાનો ઉછાળો, છેલ્લા 24 કલાકમાં 12,249 નવા કેસ
