આર્યન ખાન ડ્રગ કેસમાં નવાબ મલિક દ્વારા સમીર વાનખેડે પર લગાવવામાં આવેલા આરોપો વચ્ચે NCB અધિકારીઓનું કહેવું છે કે, “જો તેમની પાસે આટલા બધા પુરાવા છે તો તે કોર્ટમાં કેમ નથી જતા.” હકીકતમાં, NCB અધિકારીઓનું આ નિવેદન ત્યારે સામે આવ્યું છે જ્યારે નવાબ મલિકે સમીર વાનખેડે પર આરોપ લગાવ્યો હતો કે તે દુબઈ અને માલદીવમાં છે અને બીજેપી નેતા મોહિત કંબોજ સાથે વાત કરી હતી.
NCB અધિકારીઓનું કહેવું છે કે નવાબ મલિક દ્વારા જાહેર કરાયેલા ડિસોઝા અને વીવી સિંહ વચ્ચેની ફોન વાતચીતના ઓડિયોમાં કંઈ ખોટું નથી. અધિકારીઓ ડિસોઝાને ફોન ન બદલવાની ચેતવણી આપી રહ્યા હતા. તેમણે કહ્યું કે સમીર વાનખેડે ડિસોઝાના સંપર્કમાં નથી.
નવાબ મલિકે પ્રેસ કોન્ફરન્સ દરમિયાન આરોપ લગાવ્યો કે હકીકતમાં અભિનેતા શાહરૂખ ખાનના પુત્ર આર્યન ખાનનો કેસ અપહરણ અને ખંડણીનો મામલો છે અને સમીર વાનખેડે આ ષડયંત્રનો ભાગ હતા. મલિકે કહ્યું હતું કે આર્યન ખાને ક્રૂઝ પાર્ટી માટે કોઈ ટિકિટ ખરીદી નથી. પ્રતિક ગાબા અને આમિર ફર્નિચરવાલાએ તેને પાર્ટીમાં આમંત્રણ આપ્યું હતું.
