જ્યારે આપણે ફોન પર કોઈની સાથે વાત કરીએ છીએ, ત્યારે એવી સમસ્યા થાય છે કે કોઈ આપણો કોલ રેકોર્ડ કરી રહ્યું છે. જે વ્યક્તિ પાસે આઈફોન છે તે દુઃખી છે કે તેમના ફોનમાં કોલ રેકોર્ડિંગનો વિકલ્પ નથી અને કોઈ વ્યક્તિ દ્વારા કરવામાં આવેલા કોલ રેકોર્ડિંગથી પરેશાન છે. જો તમે પણ આ કેટેગરીમાં આવો છો તો આ સમાચાર તમારા માટે મહત્વપૂર્ણ છે.
જો તમે પણ કોઈનો કોલ રેકોર્ડ કરો છો, તો આઈટી એક્ટની કલમ 72 હેઠળ તમારી વિરુદ્ધ કાર્યવાહી થઈ શકે છે. કારણ કે તે ગોપનીયતાના અધિકારનું ઉલ્લંઘન છે. સુપ્રીમ કોર્ટના નિર્ણય બાદ પતિ-પત્નીના વિવાદ વચ્ચે છત્તીસગઢ હાઈકોર્ટે મોબાઈલ રેકોર્ડિંગ મામલે મહત્વનો નિર્ણય આપ્યો છે. કોર્ટે કહ્યું છે કે પરવાનગી વગર મોબાઈલ ફોન કોલ્સ રેકોર્ડ કરવા એ બંધારણની કલમ 21 હેઠળ ગોપનીયતાના અધિકારનું ઉલ્લંઘન છે.
જાણો સમગ્ર મામલો
આપને જણાવી દઈએ કે આ મામલો છત્તીસગઢના મહાસમુંદ જિલ્લાનો છે. અહીં પત્નીએ પતિ પાસેથી ભરણપોષણ મેળવવા માટે ફેમિલી કોર્ટમાં અરજી કરી હતી, ત્યારબાદ પતિએ ફેમિલી કોર્ટમાં પત્નીની વાતચીત રેકોર્ડ કરીને કોર્ટમાં પુરાવા તરીકે રજૂ કરવાની મંજૂરી માગી હતી. ફેમિલી કોર્ટે કોલ રેકોર્ડિંગની રજૂઆતને મંજૂરી આપી હતી.
જાણો કાયદો શું કહે છે
કાયદા અનુસાર, જો તમે પરવાનગી વિના કોઈના કોલ રેકોર્ડ કરો છો તો તે આઈટી એક્ટ-2000ની કલમ 72નું ઉલ્લંઘન છે. આ મુજબ, કોઈપણ વ્યક્તિની સંમતિ વિના ઈલેક્ટ્રોનિક ઉપકરણ દ્વારા તેની સાથે સંબંધિત માહિતી, દસ્તાવેજો અથવા અન્ય સામગ્રી મેળવવી અને તેની સંમતિ અથવા જાણ વિના તેને સાર્વજનિક કરવું એ કલમ 72નું ઉલ્લંઘન છે. તમને જણાવી દઈએ કે આ કલમનું ઉલ્લંઘન કરવા પર બે વર્ષની જેલ અને 1 લાખ રૂપિયાના દંડની જોગવાઈ છે.
આ પણ વાંચો: America/ બાળકને ચાકુના 26 ઘા માર્યા, “હત્યાનું કારણ ઈઝરાયલ-હમાસ યુદ્ધ”
આ પણ વાંચો: Report/ કોંગ્રેસ કે ભાજપ, કોના રાજમાં સૌથી વધુ મોંઘવારી?
આ પણ વાંચો: Missing/ રેલવે પોલીસે છેલ્લા બે મહિનામાં બચાવ્યા છે 90 સગીર બાળકો
