Thailand News: થોડા દિવસો પહેલા, થાઈલેન્ડના ભૂતપૂર્વ વડા પ્રધાન સ્રેથા થવિસિનને નૈતિક ઉલ્લંઘનને કારણે સુપ્રીમ કોર્ટે તેમના પદ પરથી હટાવી દીધા હતા. વાસ્તવમાં, શ્રેતાએ એક જજને લાંચ આપવાના કેસમાં જેલની સજા ભોગવી ચૂકેલા વ્યક્તિને પોતાની કેબિનેટમાં સ્થાન આપ્યું હતું અને આ નિર્ણયની કિંમત શ્રેથાએ પોતાનું પીએમ પદ ગુમાવીને ચૂકવવી પડી હતી. આવી સ્થિતિમાં સવાલો ઉઠવા લાગ્યા કે થાઈલેન્ડના આગામી પીએમ તરીકે કોને પસંદ કરવામાં આવશે? આ સવાલનો જવાબ આજે મળી ગયો છે.
પટોંગટાર્ન શિનાવાત્રા થાઈલેન્ડના નવા પીએમ તરીકે ચૂંટાયા
શ્રેથાને પીએમ પદ પરથી હટાવવામાં આવ્યા બાદ, થાઈલેન્ડની લોકપ્રિય ફેઉ થાઈ પાર્ટીના નેતા અને બિઝનેસવુમન પેટોંગટાર્ન શિનાવાત્રાને પીએમ પદના ઉમેદવાર તરીકે પસંદ કરવામાં આવ્યા હતા અને આજે, 16 ઓગસ્ટ, શુક્રવારના રોજ તેઓ થાઈલેન્ડના નવા વડાપ્રધાન બન્યા છે.
પટોંગટાર્ન થાઈલેન્ડના ઈતિહાસમાં સૌથી યુવા પીએમ બન્યા છે
પટોંગટાર્ન થાઈલેન્ડના ઈતિહાસમાં સૌથી યુવા પીએમ બન્યા છે. તેની ઉંમર માત્ર 37 વર્ષની છે અને તે 21 ઓગસ્ટે 38 વર્ષની થઈ જશે. પટોંગટાર્ન થાઈલેન્ડના પૂર્વ પીએમ અને બિઝનેસમેન થાક્સીન શિનાવાત્રાની પુત્રી છે અને થાઈલેન્ડની બીજી મહિલા પીએમ પણ છે. આ પહેલા તેની પોતાની કાકી યિંગલક શિનાવાત્રા થાઈલેન્ડની પ્રથમ મહિલા પીએમ રહી ચૂકી છે.
આ પણ વાંચો: બાંગ્લાદેશમાં સત્તાપલટાનું કારણ ખાડીનો સેન્ટ માર્ટિન ટાપુ, અમેરિકાની દ્વીપ પર નજર શેખ હસીનાનો દાવો
આ પણ વાંચો: ઇરાન હમાસ નેતા ઇસ્માઈલ હાનિયાની હત્યાનો બદલો લેવા ઇઝરાયેલ પર કરી શકે છે મોટો હુમલો
