New Delhi : કોંગ્રેસે ઘણા દિવસોની રાહ જોયા બાદ રાયબરેલીથી રાહુલ ગાંધીને મેદાનમાં ઉતાર્યા છે. ગાંધી પરિવારની પરંપરાગત બેઠક હોવાથી આ બેઠક પરથી રાહુલને મેદાનમાં ઉતારવામાં આવ્યા છે. હવે રાહુલ ગાંધી કેરળના વાયનાડ અને ઉત્તર પ્રદેશની રાયબરેલી બેઠક પરથી ઉમેદવારી નોંધાવી છે, જેના માટે તેમના વાયનાડ પ્રતિસ્પર્ધી એની રાજાએ તેમના પર નિશાન સાધ્યું છે.
કોંગ્રેસની ઘોષણા પછી, એનીએ રાહુલ પર કટાક્ષ કર્યો અને કહ્યું કે, તેમણે વાયનાડના લોકોને જાણ કરવી જોઈતી હતી કે તેઓ રાયબરેલીને બીજી બેઠક તરીકે વિચારી રહ્યા છે. CPMના ઉમેદવારે કહ્યું કે છેલ્લી ઘડીએ નિર્ણય લેવામાં આવ્યો હોવા છતાં કોંગ્રેસ પાર્ટીએ સ્પષ્ટ કરવું જોઈતું હતું કે રાહુલ રાયબરેલીને બીજી સીટ માને છે.
CPMના ઉમેદવાર એની રાજાએ કહ્યું કે, ‘જો રાહુલ બંને બેઠકો પરથી ચૂંટણી જીતે છે તો તે વાયનાડ અથવા રાયબરેલીના લોકો સાથે અન્યાય થશે. CPMના ઉમેદવારે મતવિસ્તારના લોકો સાથે થઈ રહેલા અન્યાય પર પ્રશ્નો ઉઠાવ્યા અને પૂછ્યું કે શું રાહુલ ગાંધી વાયનાડ બંને જીતે તો રાજીનામું આપશે. એની રાજાએ કહ્યું કે આનાથી રાહુલ ગાંધીની નૈતિકતા પર સવાલો ઉભા થશે.
જો રાહુલ રાયબરેલી અને વાયનાડ બંને બેઠકો જીતે છે, તો એવી સંભાવના છે કે ગાંધી પરિવાર રાયબરેલીનો પરિવારનો ગઢ જાળવી રાખવા માંગશે. કોંગ્રેસ નેતા મણિકમ ટાગોરે કહ્યું કે પાર્ટી આ નિર્ણય પછી લેશે. તેમણે કહ્યું કે પહેલા ચૂંટણી ખતમ થવા દો, પછી પાર્ટી નિર્ણય લેશે.
કોંગ્રેસના નેતાએ કહ્યું કે રાહુલ ગાંધી બંને બેઠકો જીતશે અને આપણે બધા જાણીએ છીએ કે વાયનાડના લોકો તેમના માટે ઘણો પ્રેમ અને લાગણી ધરાવે છે. તેમણે કહ્યું કે રાયબરેલીમાં પણ આપણે બધા જાણીએ છીએ કે ગાંધી પરિવારે આ બેઠકનું પ્રતિનિધિત્વ કર્યું છે અને ઈન્દિરા ગાંધી, સોનિયા ગાંધી પછી હવે રાહુલ ગાંધી અહીંથી જીતશે.
આ પણ વાંચો:સેક્સ સ્કેન્ડલ કેસમાં પ્રજ્વલ સાથે જોવા મળેલી મહિલાનું અપહરણ
આ પણ વાંચો:નક્સલવાદીઓના ગઢમાં જ સુરક્ષા દળોના ધામા, સુકમા જિલ્લામાં ભારે ગોળીબાર
