દેશમાં પેટ્રોલ અને ડિઝલના ભાવ વધી રહ્યા છે. દિલ્હીમાં પેટ્રોલ અને ડિઝલના ભાવમાં આજે ફરી 80-80 પૈસાનો વધારો થયો છે, જે બાદ રાજધાનીમાં એક લિટર પેટ્રોલની કિંમત હવે 103 રૂપિયા 41 પૈસા અને એક લિટર ડીઝલની કિંમત 94 રૂપિયા 67 પૈસા થઈ ગઈ છે. ચાર મહિનાથી વધુના અંતરાલ પછી, 22 માર્ચ એટલે કે મંગળવારના રોજ પ્રથમ વખત આ કિંમતોમાં ફેરફાર કરવામાં આવ્યો હતો, ત્યારબાદ છેલ્લા 13 દિવસમાં 11મી વખત ઇંધણ મોંઘું થયું છે
દિલ્હીમાં એક લિટર પેટ્રોલ 103.41 રૂપિયા પ્રતિ લિટર મળી રહ્યું છે જ્યારે ડિઝલ 94.67 રૂપિયા પ્રતિ લિટર મળી રહ્યું છે.મુંબઈમાં પેટ્રોલની કિંમત 118.41 રૂપિયા અને ડિઝલની કિંમત 102.64 રૂપિયા પ્રતિ લિટર છે. કોલકાતામાં પેટ્રોલની કિંમત 113.03 રૂપિયા છે જ્યારે ડીઝલની કિંમત 97.82 રૂપિયા પ્રતિ લીટર છે. તે જ સમયે, ચેન્નાઈમાં પેટ્રોલ 108.96 રૂપિયા પ્રતિ લીટર અને ડિઝલ 99.04 રૂપિયા પ્રતિ લીટર છે. ઉલ્લેખનીય કે ગયા વર્ષે 4 નવેમ્બરથી આ બંને ઈંધણની કિંમતમાં કોઈ વધારો કરવામાં આવ્યો નથી.
સરકારના રાજકીય વિરોધીઓએ આરોપ લગાવ્યો હતો કે મોદી સરકારે પાંચ રાજ્યોમાં ચૂંટણીને કારણે તેલ કંપનીઓને ભાવ વધારવાથી રોકી હતી. આંતરરાષ્ટ્રીય બજારમાં ક્રૂડ ઓઈલની કિંમત 112 ડોલર પ્રતિ બેરલ સુધી પહોંચી ગયા બાદ ઓઈલ કંપનીઓએ રવિવારે ડીઝલના મોટા ખરીદદારો માટે 25 રૂપિયા પ્રતિ લીટરનો વધારો કર્યો હતો. ઓઈલ ડીલર્સનું કહેવું છે કે છૂટક કિંમતમાં ધીમે ધીમે વધારો કરવામાં આવશે.
તમે SMS દ્વારા પણ પેટ્રોલ અને ડીઝલની કિંમત જાણી શકો છો. ઈન્ડિયન ઓઈલની વેબસાઈટ પર જઈને તમારે RSP અને તમારો સિટી કોડ લખવો પડશે અને તેને 9224992249 નંબર પર મોકલવો પડશે. દરેક શહેરનો કોડ અલગ-અલગ છે, જે તમને IOCLની વેબસાઇટ પરથી મળશે.
ઉલ્લેખનીય છે કે પેટ્રોલ અને ડીઝલના ભાવ દરરોજ સવારે 6 વાગ્યે બદલાય છે. નવા દરો સવારે 6 વાગ્યાથી લાગુ થશે. પેટ્રોલ અને ડીઝલની કિંમતમાં એક્સાઈઝ ડ્યુટી, ડીલર કમિશન અને અન્ય વસ્તુઓ ઉમેર્યા બાદ તેની કિંમત લગભગ બમણી થઈ જાય છે.
