વડાપ્રધાન નરેન્દ્ર મોદીએ યુકેના પીએમ ઋષિ સુનક સાથે વાત કરી હતી. સાથે જ કહ્યું કે આપણે બંને દેશોના સંબંધોને વધુ મજબૂત કરીશું. તેમણે ટ્વીટ કર્યું કે, “ઋષિ સુનકને આજે UK PM તરીકે કાર્યભાર સંભાળવા બદલ અભિનંદન. અમે અમારી વ્યાપક વ્યૂહાત્મક ભાગીદારીને વધુ મજબૂત કરવા માટે સાથે મળીને કામ કરીશું. અમે વ્યાપક અને સંતુલિત FTA પર પહોંચવાના મહત્વ પર સંમત થયા છીએ.
યુકેના પીએમ ઋષિ સુનકે વડાપ્રધાન નરેન્દ્ર મોદીનો આભાર માન્યો છે. તેમણે ટ્વીટ કર્યું, કે “યુકે અને ભારતમાં ઘણું સામ્ય છે. અમે અમારા સુરક્ષા, સંરક્ષણ અને આર્થિક સંબંધોને મજબૂત બનાવીશું, આપણા બે મહાન લોકશાહી દેશ શું કરી શકે તે અંગે હું ઉત્સાહિત છું.”
Glad to speak to @RishiSunak today. Congratulated him on assuming charge as UK PM. We will work together to further strengthen our Comprehensive Strategic Partnership. We also agreed on the importance of early conclusion of a comprehensive and balanced FTA.
— Narendra Modi (@narendramodi) October 27, 2022
ઉલ્લેખનીય છે કે વડાપ્રધાન નરેન્દ્ર મોદીએ પણ સોમવારે (24 ઓક્ટોબર) ઋષિ સુનકને ટૅગ કરીને ટ્વીટ કર્યું હતું કે, “બ્રિટનના વડાપ્રધાન બનવા, વૈશ્વિક મુદ્દાઓ પર સાથે મળીને કામ કરવા અને 2030ના રોડમેપને લાગુ કરવા બદલ તમને હૃદયપૂર્વક અભિનંદન. મને આશા છે. આપણે આપણા ઐતિહાસિક સંબંધોને આધુનિક ભાગીદારીમાં રૂપાંતરિત કરતા બ્રિટિશ ભારતીયોને દિવાળીની વિશેષ શુભેચ્છાઓ.”
