લોકસભા ચૂંટણીના પરિણામો વચ્ચે વડાપ્રધાન નરેન્દ્ર મોદી સાંજે 7 વાગ્યે બીજેપી હેડક્વાર્ટરની મુલાકાત લઈ શકે છે. સૂત્રોએ આ માહિતી આપી છે. સૂત્રોના જણાવ્યા અનુસાર પીએમ મોદી સાંજે સાત વાગ્યે કાર્યકર્તાઓને સંબોધિત કરી શકે છે. તમને જણાવી દઈએ કે ટ્રેન્ડ અનુસાર NDA 293 સીટો પર આગળ છે. જ્યારે ઈન્ડિયા એલાયન્સ 233 સીટો પર અને અન્ય 17 સીટો પર આગળ છે.
મંગળવારે લોકસભા ચૂંટણીમાં મત ગણતરીના પ્રારંભિક વલણો ભારતીય જનતા પાર્ટી (BJP)ની આગેવાની હેઠળના નેશનલ ડેમોક્રેટિક એલાયન્સ (NDA) માટે નિરાશાજનક જણાય છે. ઉત્તર પ્રદેશ, હરિયાણા અને રાજસ્થાન જેવા મોટા હિન્દીભાષી રાજ્યોમાં તેને કારમી હારનો સામનો કરવો પડી રહ્યો છે. જો કે આમ છતાં લગભગ 293 બેઠકો સાથે સરકાર બનાવવાની આશા અકબંધ છે.
ઓડિશા, તેલંગાણા અને કેરળમાં નોંધપાત્ર ફાયદો થયો હોવા છતાં, ભાજપ પોતાના દમ પર બહુમતીના આંકથી નીચે જતું જણાય છે. છેલ્લી લોકસભા ચૂંટણીમાં ભાજપનો ગઢ બની ગયેલા હિન્દી હાર્ટલેન્ડ રાજ્યોમાં જોવા મળેલી અણધારી હાર સિવાય, ઓડિશા, તેલંગાણા અને કેરળમાં તેના માટે થોડી રાહત જણાય છે. એનડીએ સામે લડવા માટે રચાયેલ હરીફ ‘ઇન્ડિયા’ ગઠબંધન લગભગ 233 બેઠકો પર આગળ છે.
ગત ચૂંટણીમાં ભાજપને 303 બેઠકો મળી હતી જ્યારે એનડીએ પાસે 350થી વધુ બેઠકો હતી. વલણો સ્પષ્ટપણે દર્શાવે છે કે તે ભાજપ માટે વડાપ્રધાન નરેન્દ્ર મોદી દ્વારા દાવો કરાયેલી 370 બેઠકોની નજીક અને NDA માટે ‘400ને પાર’ કરી શકશે નહીં. અત્યાર સુધીના વલણોએ એક્ઝિટ પોલના અંદાજોને સંપૂર્ણપણે ફગાવી દીધા છે. જો આ વલણ ચાલુ રહેશે, તો ભાજપે લોકસભામાં બહુમતી જાળવી રાખવા માટે તેલુગુ દેશમ પાર્ટી, જનતા દળ (યુનાઇટેડ) અને એકનાથ શિંદેની શિવસેના જેવા તેના સાથી પક્ષો પર ખૂબ આધાર રાખવો પડશે.
આ પણ વાંચો:પાક.ને હતો ભારતનો ડર! આ કારણે પરમાણુ નીતિ બનાવી ન શક્યું…
આ પણ વાંચો:ભારતે ઇઝરાયેલને મોકલ્યા 27 ટન વિસ્ફોટકો તો પાકને કારગિલની આવી યાદ
આ પણ વાંચો:બિડેનની યુદ્ધવિરામ સલાહથી નારાજ નેતન્યાહૂ,આપી ધમકી
