શ્રીલંકાના નવા ચૂંટાયેલા રાષ્ટ્રપતિ ગોટબયા રાજપક્ષે પોતાનો મોટો ભાઈ અને પૂર્વ રાષ્ટ્રપતિ અને વડા પ્રધાન મહિન્દા રાજપક્ષેને ફરીથી શ્રીલંકાના વડા પ્રધાન બનાવવાનો નિર્ણય લીધો છે. શ્રીલંકાના મીડિયા અનુસાર, ગોટબયાએ વડા પ્રધાન પદ માટે તેમનું નામ સૂચવ્યું છે.
રાજકીય ઇતિહાસમાં આ પહેલીવાર નથી જ્યારે એક જ પરિવારના સભ્યો વડા પ્રધાન અને રાષ્ટ્રપતિ બન્યા હોય. અગાઉ પણ આવું બન્યું હતું અને તે શ્રીલંકામાં જ બન્યું હતું, જ્યારે પૂર્વ રાષ્ટ્રપતિ ચંદ્રિકા કુમારતુંગાએ તેમની માતા અને શ્રીલંકાના પીઢ મહિલા રાજકારણી નેતા સિરિમાઓ ભંડારનાયકે વડા પ્રધાન તરીકે નિમણૂક કરી હતી.
ચંદ્રિકા કુમારતુંગા 1994 થી 2005 સુધી શ્રીલંકાના રાષ્ટ્રપતિ રહી હતી અને તે જ સમયે સિરીમાઓ ભંડારનાયકે 1994 થી 2000 દરમિયાન ત્રીજી વખત શ્રીલંકાના વડા પ્રધાન બન્યા હતા.
જોકે, સિરિમાઓ ભંડારનાયક અગાઉ પણ બે વાર શ્રીલંકાના વડા પ્રધાન રહી ચૂક્યા છે. પ્રથમ વખત તે 1960 થી 1965 સુધી શ્રીલંકાના વડા પ્રધાન અને બીજી વખત 1970 થી 1977 સુધી વડા પ્રધાન રહી હતી.
ઉલ્લેખનીય છે કે, મહિન્દા રાજપક્ષે 2005 થી 2015 દરમિયાન શ્રીલંકાના રાષ્ટ્રપતિ હતા. રસપ્રદ વાત એ છે કે તે સમયે તેમના ભાઇ ગોટબયા રાજપક્ષે સંરક્ષણ પ્રધાન હતા.
વ્યવસાયે વકીલ મહિન્દા રાજપક્ષે 1970 માં પ્રથમ વખત શ્રીલંકાની સંસદમાં ચૂંટાયા હતા. તે સમયે, તે માત્ર 25 વર્ષના હતા. તેઓ 2004 માં પ્રથમ વખત વડા પ્રધાન તરીકે ચૂંટાયા, અને પછીના વર્ષે તેઓ રાષ્ટ્રપતિ બન્યા.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
