Gandhinagar News/ ‘પ્રોજેક્ટ સેતુ’એ નવી ઊંચાઈઓ સ્પર્શી, 78,000 કરોડના પ્રોજેક્ટ્સની સફળ સમીક્ષા કરીને 60 ટકાનું કર્યુ સમાધાન

CM ડેશબોર્ડ એક અત્યાધુનિક ડિજિટલ પ્લેટફોર્મ છે, જે રાજ્યની વિકાસ પરિયોજનાઓ અને જાહેર સેવાઓનું રિયલ-ટાઈમ મોનિટરિંગ અને સંચાલન કરે છે.

Top Stories Gandhinagar Gujarat Breaking News
Yogesh Work 52 ‘પ્રોજેક્ટ સેતુ’એ નવી ઊંચાઈઓ સ્પર્શી, 78,000 કરોડના પ્રોજેક્ટ્સની સફળ સમીક્ષા કરીને 60 ટકાનું કર્યુ સમાધાન

Gandhinagar News : CM ડેશબોર્ડની આ ક્ષમતાને વધારવા માટે ગુજરાતના મુખ્યમંત્રી ભૂપેન્દ્ર પટેલે ગયા વર્ષે એટલે કે 2023માં સુશાસન દિવસ નિમિત્તે પ્રગતિ-G પોર્ટલ (Pro-Active Governance and Timely Implementation in Gujarat) હેઠળ ‘પ્રોજેક્ટ સેતુ’ મોડ્યુલને લૉન્ચ કર્યું હતું. આ પ્રોજેક્ટ સેતુ મોડ્યુલને હવે એક વર્ષ પૂર્ણ થવા જઈ રહ્યું છે.

ગુજરાત સરકારના ‘પ્રોજેક્ટ સેતુ’ મોડ્યુલે માત્ર એક (1) વર્ષમાં જ રૂ. 78,000 કરોડના વિવિધ 380 મહત્વપૂર્ણ વિકાસ પ્રોજેક્ટ્સની વિસ્તૃત સમીક્ષા કરીને નવી ઊંચાઈઓ સ્પર્શી છે. આ મોડ્યુલ જે CM ડેશબોર્ડ હેઠળ કાર્યરત છે, તે રાજ્યના વિકાસ કાર્યોને વેગ આપવા અને સમસ્યાઓનું ઝડપી નિરાકરણ લાવવા માટે એક અસરકારક સાધન સાબિત થયું છે. ગુજરાત સરકારના ‘પ્રોજેક્ટ સેતુ’એ માત્ર 1 વર્ષના ટૂંકા ગાળામાં રૂ. 78,000 કરોડ મૂલ્યના 380 મહત્વપૂર્ણ પ્રોજેક્ટ્સની વિસ્તૃત સમીક્ષા કરીને એક દ્રષ્ટાંત સ્થાપિત કર્યું છે. આ પ્રક્રિયા હેઠળ લગભગ 327 મુદ્દાઓ સામે આવ્યા હતા, જેમાંથી 193 સમસ્યાઓનું સફળતાપૂર્વક નિરાકરણ થયું હતું. જે લગભગ 60% નો પ્રભાવશાળી સફળતા દર સૂચવે છે.

પ્રોજેક્ટ સેતુ શું છે ?

‘પ્રોજેક્ટ સેતુ’ એ રાજ્યના વિવિધ વિભાગોના પ્રોજેક્ટ્સની સમયસર પૂર્ણતા માટે ઉચ્ચ-સ્તરીય મોનિટરિંગ સિસ્ટમ છે. આ મોડ્યુલ હેઠળ મુખ્યમંત્રીના અધિક મુખ્ય સચિવ સ્વયં રાજ્યના પ્રોજેક્ટ્સનું માઇક્રો-લેવલ પર મોનિટરિંગ કરે છે. ‘પ્રોજેક્ટ સેતુ’ મોડ્યુલ હેઠળ વિવિધ વિભાગોના નાના-મોટા પ્રોજેક્ટ્સની રિવ્યૂ મીટિંગની સુવિધાએ રાજ્ય સરકારની સમીક્ષા પ્રક્રિયાને સંપૂર્ણપણે પેપરલેસ બનાવી દીધી છે. આનાથી પારદર્શિતા તો વધી જ છે, સાથે નિર્ણય લેવાની પ્રક્રિયા પણ ઝડપી બની છે.

જે વિભાગના પ્રોજેક્ટ્સની સમીક્ષા કરવામાં આવી છે તેમાં શહેરી વિકાસ ના રૂ. 22,653 કરોડના 76 પ્રોજેક્ટ્સ, રસ્તાઓ અને મકાનો માટે રૂ. 6,755 કરોડના 73 પ્રોજેક્ટ્સ, પાણી પુરવઠા માટે રૂ. 17,756 કરોડના 78 પ્રોજેક્ટ્સ, ઊર્જા અને પેટ્રોકેમિકલ્સના રૂ. 2,777 કરોડના 21 પ્રોજેક્ટ્સ, ઉદ્યોગ અને ખનિજ વિભાગ માટે રૂ. 6,579 કરોડના 11 પ્રોજેક્ટ્સ અને આદિજાતિ વિકાસ માટે રૂ. 318 કરોડના 12 પ્રોજેક્ટ્સનો સમાવેશ થાય છે. ‘પ્રગતિ-G’ પોર્ટલ અને ‘પ્રોજેક્ટ સેતુ’ મોડ્યુલના અસરકારક ઉપયોગ સાથે ગુજરાત સરકાર સમયસર અમલીકરણ, પારદર્શિતા અને મોનિટરિંગમાં એક આદર્શ ડિજિટલ ગવર્નન્સ મોડલ રજૂ કર્યુ છે.

CM ડેશબોર્ડનું પ્રગતિ-G પોર્ટલ શું છે ?

પ્રગતિ-G પોર્ટલ હેઠળ રૂ. 5 કરોડથી વધુ મૂલ્યના પ્રોજેક્ટ્સ પર દેખરેખ રાખવામાં આવે છે. આ પોર્ટલ હેઠળ અત્યાર સુધીમાં 7,812થી વધુ પ્રોજેક્ટ્સ રજિસ્ટર્ડ થઈ ચૂક્યા છે. એટલું જ નહીં, તેમાંથી 3,753 પ્રોજેક્ટ્સ એટલે કે 48% સફળતાપૂર્વક પૂર્ણ થઈ ગયા છે, જ્યારે અન્ય પ્રોજેક્ટ્સનું કામ વિવિધ તબક્કામાં ચાલી રહ્યું છે. ‘પ્રોજેક્ટ સેતુ’ એ ગુજરાતના વિકાસમાં એક નવો અધ્યાય ઉમેર્યો છે. આ મોડ્યુલ રાજ્યના વિકાસ કાર્યોને નવી ઊંચાઈઓ પર લઈ જવામાં મહત્વની ભૂમિકા ભજવી રહ્યું છે.


whatsapp જાહેરાત સફેદ ફોન્ટ મોટી સાઈઝ 2 4 બળાત્કાર બળાત્કાર છે, પતિ એ પતિ સાથે કરે છે: ગુજરાતી હાઈકોર્ટ


આ પણ વાંચો: “ડિજિટલ ગુજરાત” પ્રોજેક્ટ, સરકારી સેવાઓ વધુ પારદર્શી, સરળતાથી અને ઝડપથી મળે તે ઉદેશ્ય

આ પણ વાંચો: ઇ-ગ્રામ વિશ્વગ્રામ પ્રોજેક્ટને વધુ સુદ્રઢ બનાવવા સીએમ ભુપેન્દ્ર પટેલ તત્પર

આ પણ વાંચો: રાજ્યના દૂર-દરાજના અંતરિયાળ ગામો સુધી એફોર્ડેબલ અને હાઈક્વોલિટી મોબાઈલ એન્ડ ડિજિટલ સર્વિસ થશે મળતી