Sports And Entertainment News : ભારતની સ્ટાર બેડમિન્ટન ખેલાડી PV સિંધુ હવે લગ્ન કરવા જઈ રહી છે. તેઓ આ મહિને રાજસ્થાનના ઉદયપુરમાં લગ્ન કરશે. લગ્નની વિધિ 20 ડિસેમ્બરથી શરૂ થશે અને રિસેપ્શન હૈદરાબાદમાં યોજાશે. આ પછી સિંધુ આગામી મહત્વપૂર્ણ સિઝન માટે તેની તાલીમ ફરી શરૂ કરશે. હવે આ સમાચાર વાંચ્યા પછી તમારા મનમાં પહેલો પ્રશ્ન એ આવશે કે તેનો ભાવિ પતિ કોણ છે? હકીકતમાં, ઓલિમ્પિકથી લઈને કોમનવેલ્થ ગેમ્સ સુધી દેશનું નામ રોશન કરનાર આ ખેલાડીએ પોતાના લગ્નના સમાચારથી બધાને ચોંકાવી દીધા હતા.
તેમની લવ લાઈફ કે રિલેશનશિપને લઈને ક્યારેય કોઈ નવી માહિતી સામે આવી નથી. તે કોઈને ડેટ પણ કરતી નહોતી. જોકે, તેમના લગ્ન એક મહિનામાં જ નક્કી થઈ ગયા હતા. PV સિંધુના ભાવિ પતિ વેંકટ દત્તા સાઈ પોસિડેક્સ ટેક્નોલોજીના એક્ઝિક્યુટિવ ડિરેક્ટર છે. તથા ફાઉન્ડેશન ઓફ લિબરલ એન્ડ મેનેજમેન્ટ એજ્યુકેશનમાંથી લિબરલ આર્ટસ એન્ડ સાયન્સ/લિબરલ સ્ટડીઝમાં ડિપ્લોમા કર્યો છે. તેણે 2018 માં FLAME યુનિવર્સિટીમાંથી બેચલર ઑફ બિઝનેસ એડમિનિસ્ટ્રેશનમાંથી BBA એકાઉન્ટિંગ અને ફાઇનાન્સ પૂર્ણ કર્યું અને પછી ઇન્ટરનેશનલ ઇન્સ્ટિટ્યૂટ ઑફ ઇન્ફર્મેશન ટેકનોલોજી, બેંગ્લોરમાંથી ડેટા સાયન્સ અને મશીન લર્નિંગમાં માસ્ટર ડિગ્રી પૂર્ણ કરી છે.
તેણે JSW સાથે સમર ઇન્ટર્ન તેમજ ઇન-હાઉસ કન્સલ્ટન્ટ તરીકે કામ કરવાનું શરૂ કર્યું. 2019 થી, તેઓ સોર એપલ એસેટ મેનેજમેન્ટના મેનેજિંગ ડિરેક્ટર તરીકે કામ કરી રહ્યા છે, જ્યારે PV સિંધુના પિતા PV રમના પાસેથી મળેલી માહિતી અનુસાર, “બંને પરિવારો એકબીજાની નજીક છે. પરંતુ બધું જ જાણતા હતા. એક મહિના પહેલા જ નિર્ણય લેવામાં આવ્યો હતો. આ એકમાત્ર સંભવિત સમય હતો કારણ કે PV સિંધુનું શેડ્યૂલ જાન્યુઆરીથી ખૂબ જ વ્યસ્ત રહેવાનું છે.
PV સિંધુ 2019માં BWF વર્લ્ડ ચેમ્પિયનશિપમાં ગોલ્ડ મેડલ જીતનારી પ્રથમ અને એકમાત્ર ભારતીય છે. સતત બે ઓલિમ્પિક મેડલ જીતનારી તે માત્ર બીજી ભારતીય વ્યક્તિગત રમતવીર છે. 2016 રિયો ઓલિમ્પિકમાં, તેણીએ સિલ્વર મેડલ જીત્યો, ઓલિમ્પિક ફાઇનલમાં પહોંચનારી પ્રથમ ભારતીય બેડમિન્ટન ખેલાડી બની. તેણે 2020 ટોક્યો ઓલિમ્પિકમાં બ્રોન્ઝ મેડલ જીત્યો હતો. PV સિંધુના નામે બેડમિન્ટન વર્લ્ડ ચેમ્પિયનશીપમાં તેના નામે પાંચ મેડલ છે, જેના કારણે તે સિંગલ્સમાં આ સિદ્ધિ હાંસલ કરનારી માત્ર બે મહિલાઓ (ચીનની ઝાંગ નિંગ સાથે)માંથી એક બની છે.
આ પણ વાંચો: પીવી સિંધુએ મેડલ હેટ્રિક ન નોંધાવી શક્યા પછી નિવૃત્તિ પર આપ્યું આ અપડેટ
આ પણ વાંચો: બે વખતની મેડલ વિજેતા સિંધુએ પેરિસ ઓલિમ્પિકમાં શાનદાર કર્યું ડેબ્યૂ, માત્ર 27 મિનિટમાં મેચ જીતી
આ પણ વાંચો: અચંતા શરથ કમલ, પીવી સિંધુ પેરિસ ઓલિમ્પિકના ઉદઘાટન સમારોહમાં ત્રિરંગો વહન કરવા આતુર
