ICC વર્લ્ડ કપ 2023ની 35મી મેચ પાકિસ્તાન અને ન્યુઝીલેન્ડ વચ્ચે રમાઈ રહી છે. પાકિસ્તાને ટોસ જીતીને પ્રથમ બોલિંગ કરવાનો નિર્ણય કર્યો હતો. પ્રથમ બેટિંગ કરવા આવેલી ન્યુઝીલેન્ડની ટીમે પ્રથમ ઓવરથી જ જોરદાર ઈનિંગ રમવાનું શરૂ કર્યું હતું. ન્યુઝીલેન્ડના સ્ટાર ઓલરાઉન્ડર રચિન રવિન્દ્રના બેટ પર આજે ફરી એકવાર જોરદાર ચાલ્યું હતું. રચિન રવિન્દ્ર આ વર્લ્ડ કપમાં શાનદાર ફોર્મમાં જોવા મળી રહ્યો છે. આ સિરીઝમાં પાકિસ્તાન સામે બેટિંગ કરતી વખતે રચિન રવિન્દ્રએ 108 રનની તોફાની ઈનિંગ રમીને ભારતના દિગ્ગજ બેટ્સમેન વિરાટ કોહલીને પાછળ છોડી દીધો છે.
રચિન રવિન્દ્રએ આજે પાકિસ્તાન સામે વિશ્વમાં પોતાની ત્રીજી સદી ફટકારી છે. તેમણે આ વર્લ્ડ કપમાં 5મી ફિફ્ટી પ્લસ ફટકારી છે. રચિને લગભગ તમામ ટીમો સામે રન બનાવ્યા છે. પાકિસ્તાન સામે સદી ફટકારીને તેમણે વિરાટ કોહલીને પણ પાછળ છોડી દીધો છે. વિરાટ કોહલીએ આ વર્લ્ડ કપમાં અત્યાર સુધીમાં 442 રન બનાવ્યા છે. સાથે રચિન રવિન્દ્રએ કોહલીને પાછળ છોડી 523 રન બનાવ્યા છે. જોકે, રચિને 8 મેચમાં 523 રન બનાવ્યા છે, જ્યારે કોહલી માત્ર 7 મેચ રમ્યો છે.
આ ઇનિંગ સાથે રચિન આ વર્લ્ડ કપમાં સૌથી વધુ રન બનાવવાના મામલે બીજા સ્થાને પહોંચી ગયો છે. દક્ષિણ આફ્રિકાનો ઓપનિંગ બેટ્સમેન ક્વિન્ટન ડી કોક સૌથી વધુ રન બનાવવાના મામલે પ્રથમ સ્થાને છે. તેમણે અત્યાર સુધી રમાયેલી 7 મેચમાં 545 રન બનાવ્યા છે. રચિને પાકિસ્તાન સામે શાનદાર ઇનિંગ રમીને કોહલીને પાછળ છોડી દીધો છે અને બીજા સ્થાને પહોંચી ગયો છે. વિરાટ કોહલી હવે ત્રીજા સ્થાને પહોંચી ગયો છે.
આ પણ વાંચો: Mumbai/ મુકેશ અંબાણીને ફરી મળી ધમકી, પરિણામ ભોગવવાની આપી ચેતવણી
આ પણ વાંચો: Earthquake/ નેપાળના “ગંભીર” ભૂકંપના પીડિતો માટે વડા પ્રધાનનું હૃદય “કમળ” બન્યું, ઘાયલોને તેમની સાથે હેલિકોપ્ટર
આ પણ વાંચો: Metro Court/ ‘ગુજરાતીઓને ઠગ’ કહેવાના નિવેદન મામલે તેજસ્વી યાદવ મેટ્રો કોર્ટ સમક્ષ થઈ શકે છે હાજર
