બુધવારે વિશ્વમાં કોરોના સંક્રમિતોની સંખ્યા 4.11 કરોડને પાર કરી ગઈ છે. જ્યારે મૃતકોની સંખ્યા 11.31 લાખને વટાવી ગઈ છે. જયારે ૩.૦6 કરોડ લોકો ચેપથી સ્વસ્થ્ય પણ થયા છે.
વિશ્વમાં હાલમાં 93.21 લાખ સક્રિય કેસ છે, જેમાંથી, 73,729 ની હાલત ગંભીર છે. દરમિયાન, વર્લ્ડ બેંક અને યુનાઈટેડ નેશન્સ ચિલ્ડ્રન્સ ફંડ (યુનિસેફ) દ્વારા એક નવો અહેવાલમાં કહેવામાં આવ્યું છે કે કોરોના રોગચાળો શરૂ થતાં પહેલાં વિશ્વમાં દરેક છઠ્ઠું બાળક (લગભગ 356 મિલિયન) ઘોર ગરીબીની હાલતમાં જીવન યાપન કરી રહ્યા છે. અને આ સ્થિતિ હવે વધુ છે બગડવાની સંભાવના છે.
‘ગ્લોબલ એસ્ટીમેટ ઓફ ચિલ્ડ્રેન ઇન મોનેટરી પોવેર્ટી : એન અપડેટ” નામની રીપોર્ટમાં સામે આવ્યું છે કે, ઉપ-સહાર ક્ષેત્રમાં જ્યાં સામાજિક સુરક્ષા માળખા મર્યાદિત છે ત્યાં બે તૃતીયાંશ બાળકો એવા પરિવારોમાં રહે છે કે જેઓ દૈનિક $ 1.90 ડોલર કે તેથી ઓછી રકમમાં જીવન યાપન કરે છે. જે વૈશ્વિક માનકો અનુસાર આત્યંતિક ગરીબીની શ્રેણીમાં આવે છે.
દક્ષિણ એશિયામાં જીવતા બાળકો માંથી પાંચમાં ભાગના બાળકો આત્યંતિક ગરીબીમાં જીવન યાપન કરે છે. 2013 અને 2017 ની વચ્ચે, આત્યંતિક ગરીબીમાં જીવતા બાળકોની સંખ્યામાં 29 મિલિયન ઘટાડો થયો છે. પરંતુ રોગચાળાને લીધે થતી આ સંખ્યા વધી શકે છે.
