ઓસ્ટ્રેલિયાના શિક્ષણ અને યુવા મંત્રી ડેન તેહાને જાહેરાત કરી હતી કે તેમના દેશના ભૂતપૂર્વ વડાપ્રધાન ટોની એબોટ ઓગસ્ટની શરૂઆતમાં ભારતની મુલાકાત લેશે. આ મુલાકાત વ્યાપક વ્યૂહાત્મક ભાગીદારી હેઠળ ભારત-ઓસ્ટ્રેલિયાના આર્થિક અને વેપાર સંબંધોમાં પ્રગતિ લાવવા જઈ રહી છે.
ઓસ્ટ્રેલિયન મંત્રીએ કહ્યું કે ભારત સાથે દ્વિપક્ષીય વેપાર અને રોકાણ સંબંધોને ઉત્તેજીત અને વિસ્તૃત કરવાના ઓસ્ટ્રેલિયાના મહત્વાકાંક્ષી એજન્ડાને આગળ વધારવાની આ એક તક હશે.ભારતની મુલાકાત દરમિયાન એબોટ ભારતીય પ્રધાનો અને વેપારી નેતાઓ સાથે પણ મુલાકાત કરશે.
આ પણ વાંચો :ભાજપનાં મંત્રીએ લોકોને ચિકન, મટન અને માછલીથી વધુ બીફ ખાવાની આપી સલાહ
ભારત અને ઓસ્ટ્રેલિયાએ તેમના દ્વિપક્ષીય સંબંધોને વ્યાપક વ્યૂહાત્મક ભાગીદારીમાં વિકસાવ્યા હતા. વડા પ્રધાન નરેન્દ્ર મોદી અને તેમના ઓસ્ટ્રેલિયન સમકક્ષ સ્કોટ મોરિસન વચ્ચે વર્ચ્યુઅલ સમિટ દરમિયાન, બંને દેશોએ સંરક્ષણ અને ખાણકામ સહિત સાત કરારો પર હસ્તાક્ષર કર્યા. બંને દેશોએ હિંદ મહાસાગર સહિત વ્યાપક વ્યૂહાત્મક ભાગીદાર તરીકે પડકારોનો સામનો કરવા માટે દરિયાઇ સહયોગમાં અભિપ્રાયો શેર કરવાની જાહેરાત કરી હતી.
આ પણ વાંચો :એસિડ એટેક સરવાઈવરને સરકારી નોકરીમાં અગ્રીમતા મળશે
ઓસ્ટ્રેલિયામાં પણ કોરોનાનો કહેર ચાલુ છે. દેશના સૌથી મોટા શહેર સિડનીમાં બીજા મહિના માટે લોકડાઉન લાદવામાં આવ્યું છે. કોરોના વાયરસનું ડેલ્ટા વેરિએન્ટ છેલ્લા મહિનાથી ઓસ્ટ્રેલિયામાં તબાહી મચાવી રહ્યું છે. લોકડાઉન હોવા છતાં ઓસ્ટ્રેલિયામાં કોરોના વાયરસના કેસ સતત વધી રહ્યા છે. સિડનીમાં લોકડાઉનને વધુ 4 અઠવાડિયા સુધી લંબાવતા અધિકારીઓએ પોલીસને કડક રહેવાની સૂચના આપી છે. ઓસ્ટ્રેલિયન શહેર સિડનીમાં ન્યૂ સાઉથ વેલ્સની રાજ્ય સરકારે જાહેરાત કરી છે કે સિડની શહેરમાં લોકડાઉન ઓછામાં ઓછું 28 ઓગસ્ટ સુધી રહેશે. આવી સ્થિતિમાં, અહીં દરેકને સાવચેતી રાખવા માટે પણ કહેવામાં આવી રહ્યું છે.