ઉત્તર પ્રદેશમાં યોગી 2.0 ના ભવ્ય શપથ ગ્રહણ માટે, અટલ બિહારી વાજપેયી ઈકાના સ્ટેડિયમમાં જોરશોરથી તૈયારીઓ ચાલી રહી છે. ખાસ વાત એ છે કે શપથવિધિને યાદગાર બનાવવા માટે સમગ્ર લખનઉને દુલ્હનની જેમ સજાવવામાં આવ્યું છે. મ્યુનિસિપલ કમિશનર અજય દ્વિવેદી પોતે શહેરમાં સ્વચ્છતા અને ડેકોરેશન પર નજર રાખી રહ્યા છે.
યોગી 2.0ના શપથ ગ્રહણમાં ખાસ તૈયાયરીઓ
મળતી માહિતી મુજબ, લખનઉના ઘણા રસ્તાઓ પર મહાનગર પાલિકા દ્વારા વોલ પેઈન્ટિંગ પણ કરવામાં આવી રહ્યું છે. શહીદ પથ, રમાબાઈ રેલી સ્થળ, અલ્ડીકો, રાયબરેલી રોડ અને એરપોર્ટથી ઈકાના જવાના માર્ગ પર મોટી સંખ્યામાં કુંડાઓ લગાવવામાં આવ્યા છે. આ ઉપરાંત ઈકાના સ્ટેડિયમમાં 3000 થી વધુ કુંડા પણ લગાવવામાં આવ્યા છે. તેમજ એરપોર્ટથી ઈકાના સુધીના તમામ થાંભલાઓ પર એલઈડી સ્ટ્રિપ્સ લગાવવામાં આવી છે.
આ સમગ્ર વ્યવસ્થામાં રોકાયેલા એક અધિકારીએ જણાવ્યું કે, પાણી વિભાગના 10 કાર્યપાલક ઈજનેરો ગટરની સફાઈ, સમારકામ, સફાઈ માટે કામે લાગ્યા છે. આ સાથે ઈકાના અને તેની આસપાસના વિસ્તારને અલગ-અલગ 10 બ્લોકમાં વહેંચીને સફાઈ કરવામાં આવી રહી છે. જેમાં 286 કર્મચારીઓની ડ્યુટી લગાવવામાં આવી છે. એટલું જ નહીં રાજધાનીના અનેક વિસ્તારોમાં વૃક્ષો અને છોડ પણ વાવવામાં આવ્યા છે.
શહીદ પથ સામાન્ય લોકોની અવરજવર માટે બંધ રહેશે
શપથ ગ્રહણ સમારોહના પ્રસંગે મુખ્ય માર્ગ તરીકે જોવામાં આવતા શહીદ પથ પર ભારે ભીડ એકઠી થઈ શકે છે, આવી સ્થિતિમાં સુરક્ષા વ્યવસ્થાને ધ્યાનમાં રાખીને સામાન્ય લોકોની અવરજવર પર સંપૂર્ણ પ્રતિબંધ રહેશે. એટલું જ નહીં, શહીદ પથ પર આવતા ટ્રાફિક માટે વિગતવાર ડાયવર્ઝન પ્લાન લાગુ પડશે. શહીદ પથ VIP મુવમેન્ટ માટે ખાલી રાખવામાં આવશે. ઈકાનામાં વીવીઆઈપી અને વીઆઈપીના પ્રવેશ માટે બે અલગ-અલગ ગેટ હશે અને અન્ય મહેમાનોને ત્રણ દરવાજામાંથી પ્રવેશ આપવામાં આવશે.
આ પણ વાંચો :રણદીપ સુરજેવાલાએ શેર કર્યું સ્મૃતિ ઈરાનીનું 11 વર્ષ જૂનું ટ્વિટ, કહ્યું, શરમ રાખો, જરા વિચારો
આ પણ વાંચો :કોરોનાના ઘટતા કેસ વચ્ચે સરકારનો મોટો નિર્ણય, 31 માર્ચથી તમામ કોવિડ પ્રતિબંધો હટશે
આ પણ વાંચો :“ખેડૂતોની જમીન લૂંટવાનું ષડયંત્ર છે”, ખેડૂત નેતા રાકેશ ટિકૈતે લગાવ્યો આરોપ
આ પણ વાંચો :કર્ણાટકમાં વધુ એક વિવાદ, મંદિરોના મેળામાં મુસલમાનોની દુકાનો પર લાગ્યો પ્રતિબંધ
