બ્રિટને વિશ્વની પ્રથમ એન્ટિવાયરલ ગોળી ના શરતી ઉપયોગને મંજૂરી આપી છે, જે કોવિડ-19ની સફળ સારવારમાં મદદરૂપ માનવામાં આવે છે. યુકે પ્રથમ દેશ છે જેણે આ ગોળી સાથેની સારવારને યોગ્ય તરીકે ઓળખી છે, જો કે તે સ્પષ્ટ નથી કે આ ગોળી કેટલી જલ્દી ઉપલબ્ધ થશે. 18 વર્ષ અને તેથી વધુ ઉંમરના કોરોના સંક્રમિત લોકોને આ ગોળીનો ઉપયોગ કરવાની મંજૂરી આપવામાં આવી છે.
કેવી રીતે કામ કરશે ?
આ દવાનું નામ ‘મોલનુપીરાવીર’ છે. કોવિડનો હળવો ચેપ ધરાવતા લોકોએ આ ગોળી દિવસમાં બે વખત લેવી પડશે. આ એન્ટિવાયરલ ગોળી કોરોનાના લક્ષણોને ઘટાડે છે અને ઝડપથી સાજા થવામાં મદદ કરે છે. આ હોસ્પિટલો પરનો બોજ ઘટાડવામાં અને ગરીબ દેશોમાં ચેપને રોકવામાં મદદરૂપ થઈ શકે છે. આ ગોળી રોગચાળા સામે લડવા માટે જરૂરી બે પદ્ધતિઓ, દવા અને નિવારણમાં મદદરૂપ થશે.
યુ.એસ., યુરોપ અને કેટલાક અન્ય દેશોના સંબંધિત નિયમનકારો દવાની સમીક્ષા કરી રહ્યા છે. યુએસ ફૂડ એન્ડ ડ્રગ એડમિનિસ્ટ્રેશને ગયા મહિને કહ્યું હતું કે તે ગોળીની સલામતી અને અસરકારકતા શોધવા માટે નવેમ્બરના અંતમાં પેનલ મીટિંગ બોલાવશે. દવા ઉત્પાદક ‘મર્ક’એ આ દવા તૈયાર કરી છે.
ઑક્ટોબરમાં, બ્રિટિશ અધિકારીઓએ જાહેરાત કરી હતી કે તેઓએ ‘મોલનુપીરાવીર’ના 480,000 ડોઝ પ્રાપ્ત કર્યા છે અને આ શિયાળામાં હજારો લોકોને વધુ સારવારમાં મદદ કરવાની અપેક્ષા છે. યુકેના સ્વાસ્થ્ય મંત્રી સાજિદ જાવિદે કહ્યું, ‘આ આપણા દેશ માટે ઐતિહાસિક દિવસ છે કારણ કે કોવિડની સારવાર માટે ઘરે લઈ શકાય તેવા એન્ટિવાયરસને મંજૂરી આપનાર યુકે વિશ્વનો પહેલો દેશ છે.’
દારૂખાનાનો ઈતિહાસ / ફટાકડાનો ઇતિહાસ છે રસપ્રદ, વિશ્વમાં ફટાકડાનો ઇતિહાસ ચીન સાથે છે સંકડાયેલો
ફૂડ ફેસ્ટીવલ / જામનગરની પ્રખ્યાત કચોરી, લોકો દુર દુરથી આવે છે ખાવા
દિવાળી / જામનગરના બજારોમાં 151થી વધુ પ્રકારના મુખવાસ, મુખવાસના વેપારીઓની દિવાળી સુધરી
