અમદાવાદ: અમદાવાદ સ્થિત ટોરેન્ટ ફાર્માસ્યુટિકલ્સ લિ.એ NSE પર ગુરુવારે 4.93% વધીને રૂ. 2,468.95 પર બંધ થતાં તેના શેરની કિંમત $10 બિલિયનને વટાવી દીધી છે. ટોરેન્ટ ફાર્માનું માર્કેટ કેપ હવે રૂ. 83,560 કરોડ (US$ 10.06 બિલિયન) છે.
ટોરેન્ટ ફાર્મા કાર્ડિયોવેસ્ક્યુલર, સેન્ટ્રલ નર્વસ સિસ્ટમ, ગેસ્ટ્રો-ઇન્ટેસ્ટાઇનલ અને વીમેન હેલ્થકેરના થેરાપ્યુટિક સેગમેન્ટ્સમાં ટોચના નેતાઓમાં સ્થાન ધરાવે છે. તે ડાયાબિટોલોજી, પેઈન મેનેજમેન્ટ, ગાયનેકોલોજી, ઓન્કોલોજી અને એન્ટી ઈન્ફેકટીવ સેગમેન્ટમાં પણ નોંધપાત્ર હાજરી ધરાવે છે.
શહેર સ્થિત બજાર વિશ્લેષકે જણાવ્યું હતું કે ટોરેન્ટ ફાર્માસ્યુટિકલ્સે $10 બિલિયન માર્કેટ કેપિટલાઇઝેશનનો સીમાચિહ્ન પાર કર્યો છે. તેણે સતત વૃદ્ધિ અને મજબૂત નાણાકીય કામગીરી નોંધાવી છે. છેલ્લા ત્રણ મહિનામાં શેરમાં 30.94%નો વધારો નોંધાયો છે.
તેણે નાણાકીય વર્ષ 2023માં રૂ. 9,400 કરોડથી વધુની આવક નોંધાવી હતી અને રોકાણકારો માને છે કે તેની મજબૂત હાજરી અને ઉત્પાદનોને કારણે કંપનીની દ્વિઅંકીય દરે વૃદ્ધિ ચાલુ રહેશે.” ટોરન્ટ ફાર્મા આગામી દાયકા સુધી નોંધપાત્ર દરે વૃદ્ધિ જારી રાખે તેમ માનવામાં આવે છે. કંપનીના જણાવ્યા મુજબ ભારતમાં થેરેપ્યુટિક ડ્રગનું મોટું માર્કેટ છે.
આ પણ વાંચોઃ
આ પણ વાંચોઃ
આ પણ વાંચોઃ
