પ્રખ્યાત અભિનેતા અને બિગ બોસ 13 વિજેતા સિદ્ધાર્થ શુક્લાના ચાહકો તેને પડદા પર જોવા માટે ઉત્સુક છે. તેઓ એ દિવસની રાહ જોઇ રહ્યા છે જ્યારે તેની વેબ સિરીઝ ‘બ્રોકન બટ બ્યુટીફુલ 3’ રિલીઝ થશે. પરંતુ આ પહેલા વેલેન્ટાઇન ડેના વિશેષ પ્રસંગે તેની એક નવી તસવીર સામે આવી છે. આ ફોટો ઇન્ટરનેટ પર ઝડપથી વાયરલ થઈ રહ્યો છે.
આ ફોટામાં સિદ્ધાર્થ શુક્લા અને તેની સહ અભિનેત્રી સોનિયા રાઠી એક બીજાના પ્રેમમાં ખોવાઈયેલા જોવા મળી રહ્યા છે. વેલેન્ટાઇન ડે પર બહાર આવનારી આ તસવીર બંનેના ચાહકો માટેની ટ્રીટ કરતા ઓછી નથી.
‘બ્રોકન બટ બ્યુટીફુલ 3’ ની પ્રથમ બે સીઝનમાં બે વ્યક્તિઓની લવ સ્ટોરી દર્શાવવામાં આવી છે (વિક્રાંત મેસી અને હાર્લીન સેઠી દ્વારા ચિત્રિત કિરદાર) જે ખૂબ જ અનપેક્ષિત સંજોગોમાં મળે છે અને ટૂંક સમયમાં એકબીજા માટે સપોર્ટ સિસ્ટમ્સ બની જાય છે. હવે આ શોમાં એક નવી જોડી જોવા મળશે, જેમાં સિદ્ધાર્થ શુક્લા અને સોનિયા રાઠી હશે. નવી સીઝન ટૂંક સમયમાં અલ્ટ બાલાજી ઉપર સ્ટ્રીમ થશે.
સિદ્ધાર્થ શુક્લાએ ઇન્સ્ટાગ્રામ પર આગામી વેબ શોના ઘણા બીટીએસ ફોટા શેર કર્યા છે.
સિદ્ધાર્થે થોડા દિવસો પહેલા પંજાબી ગાયિકા-અભિનેત્રી અને ‘બિગ બોસ 13’ ની સ્પર્ધક શહેનાઝ ગિલનો જન્મદિવસ ઉજવ્યો હતો. શહનાઝે તેના ઇન્સ્ટાગ્રામ એકાઉન્ટ પર તેના જન્મદિવસની પાર્ટી પળો શેર કરી હતી. આ પોસ્ટમાં, શહનાઝને સિદ્ધાર્થ સ્વીમીંગ પૂલમાં ફેંકી દેતા જોવા મળી રહ્યો છે.
નોંધપાત્ર વાત એ છે કે બિગ બોસના ઘરે સિદ્ધાર્થ અને શહેનાઝની જોડી સારી પસંદ કરવામાં આવી હતી. ચાહકો તેમને પ્રેમથી SidNaaz કહીને બોલાવે છે. તેના બે ગીતો ‘ભૂલા દેગા’ અને ‘શોના શોના’ રિલીઝ થયા છે, જ્યારે ત્રીજું ગીત ટૂંક સમયમાં આવી રહ્યું છે.
મંતવ્ય ન્યૂઝ દ્વારા જાહેર અપીલ –
નાગરીકોની શિસ્તબધ્ધતા અને તંત્રની અથાગ મહેનતનાં કારણે ગુજરાતમાં કોરોના નામશેષ થવાનાં આરે પહોંચી ચૂક્યો છે. ગાફેલ રહેવાની બીલકુલ જરુર નથી કારણ કે કોરોનાની સંપૂર્ણ નાબૂદીમાં હજુ થોડો સમય લાગશે. જો કે, ગુજરાતનાં આ સદનસીબ છે કે કોરોનાની ચાલ મંદી પડી છે, બાકી વિશ્વનાં અનેક દેશમાં આજે પણ કોરોના કહેર વર્તાવી જ રહ્યો છે. આવા સમયે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, કોરોનાથી ડરવાની નહીં, પરંતુ સંયમ સાથે વર્તવાની જરુર છે અને જે આપણે કરી પણ બતાવ્યું છે. છતા પણ બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય, ચાલો સંયમ સાથે નિયમોનું પાલન કરી એક જાગૃત નાગરીકની ફરજ બજાવીએ…