બૉલીવુડની દબંગ અભિનેત્રી સોનાક્ષી સિન્હાને વેબ સિરીઝ 'હીરામંડી'માં ખૂબ જ પંસદ કરવાં આવી રહી છે. એક્ટ્રેસની જોરદાર એક્ટિંગને લઈને ફેન્સ પાગલ થઈ ગયા છે.

આ શ્રેણીમાં સોનાક્ષી અને મનીષા કોઈરાલા વચ્ચેના પ્રતિકૂળ સંબંધો દર્શાવવામાં આવ્યા છે. જો કે અંતે બંને પોતાની વચ્ચેનો દ્વેષ ભૂલીને એક થઈ જાય છે.

હવે તાજેતરમાં એક ઇન્ટરવ્યૂમાં, સોનાક્ષીએ જણાવ્યું કે કેવી રીતે તેણે મનીષા કોઈરાલા જેવી સિનિયર અભિનેત્રી સાથેના પ્રતિકૂળ સંબંધોને પડદા પર ખૂબ જ સારી રીતે ભજવ્યા.

ઇન્ટરવ્યુમાં સોનાક્ષીએ કહ્યું- 'હું મનીષા કોઈરાલાને પ્રેમ કરું છું. આખી સિરીઝ જોયા પછી મેં તેમની માફી માંગી.'

સોનાક્ષીએ તેને (મનીષા કોઈરાલા)ને કહ્યું- હું તમારી સાથે આ કેવી રીતે કરી શકું? મારામાં આ અહંકાર ક્યાંથી આવ્યો?

સોનાક્ષીએ મનીષા વિશે કહ્યું-તે ખૂબ જ અદ્ભૂત છે. તે એક મહાન અને સિનિયર અભિનેત્રી છે અને તે બધાને સારી એક્ટિંગ કરવા માટે પ્રેરણા આપે છે.

સોનાક્ષી સિન્હાએ પહેલીવાર સંજય લીલા ભણસાલી સાથે 'હીરામંડી'માં કામ કર્યું છે. અભિનેત્રીને પૂછવામાં આવ્યું કે શું તેણીએ ક્યારેય ફિલ્મ નિર્માતાની ગુડ બુક્સમાં આવવાનું વિચાર્યું?

આ અંગે સોનાક્ષીએ કહ્યું- મેં ક્યારેય તેમની ગુડ બુક્સમાં પ્રવેશવાનો ટ્રાય કર્યો નથી. તે પોતે એક કલાકાર છે. હું જાણું છું કે જો કોઈ છોકરી તેમને ઈમ્પ્રેસ કરી શકે તો તે માત્ર સારી એક્ટિંગથી કરી શકે છે.

આવું એટલા માટે થયું કારણ કે તે મારા ઘણા સીન શૂટ કરવાના ન હતા. પરંતુ એક સીન શૂટ કર્યા બાદ તેણે ઘણા સીન કર્યા. તેણે મારા કામની પણ પ્રશંસા કરી.