શાસ્ત્રોમાં કરાયેલા ઉલ્લેખ મુજબ દેવી-દેવતાઓ બાદ પિતૃઓના આશીર્વાદ મેળવવા ઘણા શુભ માનવામાં આવ્યા છે.

માન્યતા મુજબ, પિતૃના આશીર્વાદ પ્રાપ્ત કરી જીવનની દરેક સમસ્યાઓનું નિરાકરણ લાવી શકાય છે.

પિતૃઓની કૃપા પ્રાપ્ત કરવા શ્રાદ્ધ, કર્મ અને તર્પણ કરવામાં આવે છે. યોગ્ય વિધિ મુજબ તેમનું તર્પણ કરવામાં ન આવે તો પિતૃદોષ પણ લાગી શકે છે.

પિતૃદોષનાં લક્ષણો

જો કોઈ વ્યક્તિ પિતૃદોષથી પીડિત હોય તો તેના વંશમાં અનેક પ્રયત્નો બાદ પણ પ્રગતિ થતી નથી.

જો કોઈ વ્યક્તિ કઠોર પરિશ્રમ કર્યા બાદ પણ નોકરી, વેપારમાં પ્રગતિ ન કરી શકે, તો તે પિતૃદોષથી અસરગ્રસ્ત હોઈ શકે છે.

સંતાનોનું સતત બીમાર પડવું એ પણ પિતૃદોષની નિશાની ગણાય છે.

કારણ વગર પરિવારના સભ્યો વચ્ચે કલેષ થવા એ પિતૃદોષનાં લક્ષણોમાંનું એક ગણાય છે.

પિતૃદોષથી છુટકારો મેળવવાનાં ઉપાય

પિતૃદોષથી મુક્તિ મેળવવા પિતૃ પક્ષ દરમિયાન પિંડૃદાન, તર્પણ અને શ્રાદ્ધ કરવું જોઈએ. પિતૃપક્ષ દરમિયાન પિતૃઓના નામ પર દીવો પ્રગટાવવો જોઈએ. ભગવાન વિષ્ણુની આરાધના કરવી જોઈએ.