National/ PM નરેન્દ્ર મોદીને મળ્યા મમતા બેનર્જી, કહ્યું-BSF કાયદો પાછો ખેંચવો જોઈએ

BSF આપણો દુશ્મન નથી. હું તમામ એજન્સીઓનો આદર કરું છું પરંતુ કાયદો અને વ્યવસ્થા જે રાજ્યનો વિષય છે તે તેમનામાં સંઘર્ષ સર્જે છે

Top Stories India
BSFના PM નરેન્દ્ર મોદીને મળ્યા મમતા બેનર્જી, કહ્યું-BSF કાયદો પાછો

પશ્ચિમ બંગાળના મુખ્યમંત્રી અને TMCના વડા મમતા બેનર્જીએ બુધવારે દિલ્હીમાં વડાપ્રધાન નરેન્દ્ર મોદી સાથે મુલાકાત કરી હતી. પીએમ મોદીને મળ્યા બાદ મમતા બેનર્જીએ કહ્યું કે તેમની મુલાકાત રાજ્ય સાથે જોડાયેલા ઘણા મુદ્દાઓ પર થઈ હતી. પીએમ સાથેની મુલાકાત દરમિયાન મમતા બેનર્જીએ BSFના કાર્યક્ષેત્રને વધારવાના મુદ્દા પર પણ વાત કરી છે.

પીએમ મોદીને મળ્યા બાદ દિલ્હીમાં થયેલી બેઠક અંગે માહિતી આપતાં મમતા બેનર્જીએ કહ્યું, ‘મેં BSF વિશે ચર્ચા કરી, BSF આપણો દુશ્મન નથી. હું તમામ એજન્સીઓનો આદર કરું છું પરંતુ કાયદો અને વ્યવસ્થા જે રાજ્યનો વિષય છે તે તેમનામાં સંઘર્ષ સર્જે છે. મેં કહ્યું કે સંઘીય માળખાને બિનજરૂરી રીતે ખલેલ પહોંચાડવી યોગ્ય નથી, તમારે તેના વિશે ચર્ચા કરવી જોઈએ અને BSF કાયદો પાછો ખેંચવો જોઈએ. મેં કહ્યું કે તમારી સાથે રાજકીય રીતે અમારો જે પણ મતભેદ છે તે રહેશે કારણ કે તમારી વિચારધારા અને અમારી પાર્ટીની વિચારધારા અલગ છે. પરંતુ કેન્દ્ર અને રાજ્યના સંબંધો પર કોઈ અસર ન પડે. રાજ્યનો વિકાસ કેન્દ્રના વિકાસ તરફ દોરી જાય છે.

મમતા બેનર્જીએ કહ્યું, ‘હું રાજ્ય સાથે જોડાયેલા ઘણા મુદ્દાઓ પર આજે વડાપ્રધાન નરેન્દ્ર મોદીને મળી. અમે બીએસએફના કાર્યક્ષેત્રના વિસ્તરણના મુદ્દા પર પણ વાત કરી અને આ નિર્ણય પાછો ખેંચવાની માંગ કરી. તમને જણાવી દઈએ કે બંગાળ સરકાર BSFના અધિકારક્ષેત્રમાં વધારો કરવા જઈ રહેલા કેન્દ્રનો વિરોધ કરી રહી છે.

ભારતીય જનતા પાર્ટી (BJP)ના સાંસદ સુબ્રમણ્યમ સ્વામી પણ મમતા બેનર્જીને મળ્યા. સુબ્રમણ્યમ સ્વામીની ગણતરી ભાજપના અસંતુષ્ટ નેતાઓમાં થાય છે. બુધવારે બંને નેતાઓ દિલ્હીના સાઉથ એવન્યુમાં મળ્યા હતા. સુબ્રમણ્યમ સ્વામી અહીં મમતા બેનર્જીને મળવા આવ્યા હતા.

જણાવવામાં આવી રહ્યું છે કે સુબ્રમણ્યમ સ્વામી લગભગ 20-25 મિનિટ સુધી મમતા બેનર્જી સાથે રહ્યા. મમતા બેનર્જીને મળ્યા બાદ સ્વામીએ ટીએમસીમાં જોડાવાના પ્રશ્નનો જવાબ આપતા કહ્યું કે હું પહેલેથી જ જોડાઈ ગયો છું. હું આખો સમય તેની સાથે હતો….જોકે, તે પછી તેમણે સ્પષ્ટ જવાબ આપ્યો ન હતો.